ယောက်ျားတွေ ဘဝမှာ စိန်မခေါ်သင့်တဲ့ အမျိုးသမီး တွေတကယ်ရှိတယ် .. ဘယ်လိုအမျိုးသမီးမျိုးလဲ ဆိုတော့ ကိုယ့်ခြေထောက်ပေါ် ကိုယ်ရပ်တည်နေပြီး ကိုယ့်ကိုယ်ကို ယုံကြည်မှု အပြည့်အဝရှိတဲ့ အမျိုးသမီးမျိုး... ဘယ်သူ့ကိုမှ မှီခိုမနေဘူး ဘယ်သူ့ဆီကမှ လက်ဖြန့်နေစရာမလိုဘူး ဘယ်သူ ငြိုငြင်သွားမှာမှ ကြောက်နေစရာ မလိုဘူး ... တစ်ယောက်ထဲ နေခဲ့ရမှာလား နေခဲ့ရဲတယ်။ တစ်ယောက်ထဲ သွားရမှာလား သွားရဲတယ်။ တစ်ယောက်ထဲ ခရီးဆုံးထိ လျှောက်ရမှာလား လျှောက်ရဲတယ် ... တယောက်ထဲ နေသားကျနေတဲ့ အမျိုးသမီးတွေဟာ တယောက်ထဲ နေသားပြန်ကျဖို့အတွက် လေ့ကျင့်ရတာ ခက်ခဲမယ်လို့ ထင်ပါသလား ? ဘဝမှာ အဆိုးဝါးဆုံး အကြမ်းတမ်းဆုံး နေ့ရက်တွေကို တစ်ယောက်ထဲအကောင်းဆုံး ကျော်ဖြတ်ခဲ့ကြတဲ့သူတွေမို့ တစ်ယောက်ထဲ နေသားကျခြင်းဟာ သူတို့အပိုင်နိုင်ဆုံး ဘာသာရပ်ပဲ ... ငါမရှိရင် မဖြစ်ဘူးလို့ ပညာပြချင်တဲ့သူတွေ ငါ့ကို လိုကိုလိုအပ်မှာပဲလို့ တွေးနေတဲ့သူတွေ ငါရှိလို့ သူရပ်တည်နေနိုင်တာလို့ ကို့ယ်ကိုယ်ကို အထင်ကြီးနေတဲ့ သူတွေ အတွက်တော့ တကယ် စိတ်မကောင်းစရာပါပဲ ... တစ်ယောက်ထဲ ရပ်တည်ရဲတဲ့ အမျိုးသမီးတွေက မင်း မရှိလဲ ဖြစ်တယ် မင်း မကူလဲ ဖြစ်တယ် ... မင်း ဆိုတာ အရေးကိုမပါတာလို့ ပြောနိုင်တဲ့နေ့ရောက်လာခဲ့ရင် အဲ့ဒီနေ့ဟာ အရာအားလုံး အဆုံးသတ်သွားတဲ့နေ့ပါပဲ ... ဒီလို အမျိုးသမီးက မင်းကို အားကိုးနေသေးတယ်ဆိုရင် သူ့ကိုယ်သူထပ် မင်းကို ပိုလိုအပ်နေလို့ပါ ပိုချစ်နေလို့ပါ ... အရာအားလုံးကို လွှတ်ချပြီး မင်းကို The End လို့ လှလှပပပြောထွက်တဲ့နေ့ ရောက်လာခဲ့ရင် မင်းဘဝမှာ ဒီအမျိုးသမီးမျိုးကို နောက်ထပ် ဘယ်တော့မှ ပြန်ရှာတွေ့တော့မှာ မဟုတ်ပါဘူး။ သူအစွမ်းကုန် တောက်ပမယ့်နေ့ရက်တွေကို သူရွေးချယ်သွားလိမ့်မယ် ... သူ အစွမ်းကုန် လှပမယ့်နေ့ရက်တွေကို သူ ရွေးချယ်သွားလိမ့်မယ် ... သူ အထူးချွန်ဆုံး အောင်မြင်မယ့်နေ့ရက်တွေကို သူရွေးချယ်သွားလိမ့်မယ် ... အဲ့ဒီနေ့ရက်တွေ ရောက်လာခဲ့တဲ့အချိန်မှာ နောက်ဆုတ်ပြီး ငေးကြည့်နေနိုင်ရုံသာ မင်းကြိုးစားနေလိုက်ပါ ... ဘဝမှာ သွားပြီးစိန်မခေါ်သင့်တဲ့ အမျိုးသမီး တွေတကယ်ရှိတယ်။ ဘယ်လို အမျိုးသမီးမျိုးလဲဆိုတော့ မင်း ဘာကောင်ကြီးဖြစ်ဖြစ် မင်းကိုလုံးဝ ဂရုမစိုက်တော့မဲ့ အမျိုးသမီးမျိုးပဲ ...🪻🪻🪻 - @aye..aye..mar4