@cr7sa782: مقدمة: كنز مرمي في الواطة والدولة نايمة* السودان ما دولة فقيرة... السودان دولة منهوبة ومهملة. نحن قاعدين على بنك، بنك حقيقي من الدهب الأخضر، من النباتات الطبية والعطرية بتقوم براها في صحراءنا، من غير موية، من غير سماد، من غير مشروع... ربنا زرعها لينا. العالم برا بيفتش ليها بالعدسة، كيلو القضيم وصل 75 دولار، كيلو المحريب 90 دولار، كيلو الجعدة 160 دولار... يعني شوال واحد بجيب ليك قروش دهب. أوروبا بتعمل منها دواء، الخليج بيعمل منها عطور، أمريكا بتعمل منها أبحاث سرطان... ونحن هنا بنقطعها حطب للفرن، وبنرعى فيها الدولة من الاستقلال لحدي الليلة ما عندها معمل واحد يفحص نبتة، ولا مصنع واحد يجفف، ولا مواصفة واحدة للتصدير، ولا خريطة واحدة بتوري النبات ده بقوم وين. وزارة الزراعة شغالة موظفين وبصمة، وزارة الاستثمار شغالة بيع أراضي، وهيئة المواصفات نايمة. التاجر السوداني المسكين بشيل الشوال يمشي يبيعه خام في سوق أم درمان بـاتفه الجنيهات، والسمسار المصري والإثيوبي بشيلو يصدرو باسمنا بـ 100 ضعف. نحن ما محتاجين دهب جبل عامر، نحن عندنا دهب بنبت في الخلا... لكن الإهمال قتلو. النباتات دي لو الدولة صحت يوم واحد بس، وعملت ليها قيمة مضافة، السودان ممكن يبقى زي الهند... الهند بتدخل 12 مليار دولار سنوياً من الأعشاب بس! نحن العشب مرمية في صحراء كسلا ودارفور وكردفان... والدولة بتشحد ١*ده ما فقر... ده غباء إداري وخيانة للموارد.* #السودان_الثروات
