@pressauzb: O‘zbekistonda jinsiy shilqimlik uchun jarimalar oshirildi — 10–15 BHMgacha O‘zbekiston Prezidenti Shavkat Mirziyoyev jinsiy shilqimlik uchun ma’muriy javobgarlikni kuchaytirish to‘g‘risidagi qonunni imzoladi. Tegishli o‘zgartirishlar Ma’muriy javobgarlik to‘g‘risidagi kodeksning 41-1-moddasiga kiritildi. Birinchi qoidabuzarlik uchun 10–15 bazaviy hisoblash miqdori (BHM) miqdorida jarima yoki 10 sutkagacha ma’muriy qamoq jazosi belgilangan. Avval jarima 2–5 BHMni, ma’muriy qamoq esa 5 sutkagacha bo‘lgan. Jinsiy shilqimlikka insonning sha’ni va qadr-qimmatini kamsituvchi nomaqbul harakatlar kiradi. Bular jumlasidan tashqi ko‘rinish yoki tana tuzilishi haqida izohlar, uyatsiz imo-ishoralar, teginishlar va hushtak chalish kabi harakatlar bor. Agar qoidabuzarlik bir yil ichida takrorlansa, 15–20 BHM miqdorida jarima belgilanishi mumkin. Takroriy huquqbuzarlik uchun ma’muriy qamoq muddati 15 sutkagacha yetishi mumkin.

Pressa – O’zbekiston xabarlari

Open In TikTok:

Region: UZ

Thursday 15 October 2026 16:50:56 GMT