ملتان شیر شاہ ٹرین حادثہ | امدادی کارروائیاں جاری ملتان کے قریب شیر شاہ کے مقام پر صبح تقریباً 5 بجے پیش آنے والے افسوسناک ٹرین حادثے کے بعد امدادی کارروائیاں جاری ہیں۔ اطلاعات کے مطابق کراچی سے پشاور جانے والی رحمان بابا ایکسپریس حادثے کا شکار ہوئی، تاہم حادثے کی وجوہات اور دیگر تفصیلات کی تاحال حتمی تصدیق نہیں ہوئی۔ ابتدائی اطلاعات میں 5 سے 6 افراد کے جاں بحق اور 30 سے 35 افراد کے زخمی ہونے کی اطلاعات سامنے آ رہی ہیں، تاہم جانی نقصان کے حتمی اعداد و شمار کی تصدیق ہونا باقی ہے۔ ریسکیو ٹیمیں، پاک فوج کے جوان، پولیس، ریلوے پولیس اور دیگر متعلقہ اداروں کے اہلکار امدادی سرگرمیوں میں مصروف ہیں۔ کمشنر ملتان سمیت متعلقہ حکام بھی جائے وقوعہ پر موجود ہیں۔ متاثرین کی مدد کے ساتھ ریلوے ٹریک کی بحالی کا کام بھی جاری ہے۔ 🤲 اللہ تعالیٰ تمام زخمیوں کو جلد صحتِ کاملہ عطا فرمائے، جاں بحق ہونے والوں کی مغفرت فرمائے اور ان کے اہلِ خانہ کو صبرِ جمیل عطا کرے۔ اس مشکل گھڑی میں تمام متاثرین کے لیے دعاگو ہیں۔ آمین یا رب العالمین۔ - @nolovenoname02