@asmu.me: تريد تفهم كل تصرف، وتحلل كل موقف، وتعرف شنو راح يصير باچر، وكأنو راحة بالك تعتمد على ان تكون مستعد لكل احتمال بس انتبه لنفسك شوي جم مرة تعبت من التفكير بشي ما تكدر تغيره؟ وشكد مرة ضيعت يومك تخاف من احتمال، وبالنهاية ما صار؟ يمكن المشكلة مو بالأشياء اللي ما تعرفها، يمكن المشكلة إنك تريد من الحياة ضمانات ما أحد يكدر يضمنها إلك وهنا يجي المعنى اللي يغير نظرتك لكلشي قال الله تعالى ﴿ وَمَن يَتَوَكَّلْ عَلَى اللَّهِ فَهُوَ حَسْبُهُ ﴾ سورة الطلاق، الآية ٣ التوكل مو انك تترك التفكير وتسلم أمورك للإهمال، التوكل إنك تسوي اللي تكدر عليه، وتبطل تعذب نفسك بالأشياء اللي طلعت من إيدك من تحتار، فكر حتى تختار من تواجه مشكلة، اسعي حتى تحلها ومن توصل لمرحلة ما بيدك شي تسويه، لا تبقى تعيش المشكلة ألف مرة بعقلك، وهي بالحقيقة بعد ما صارت مو مطلوب منك تعرف شنو مخبي إلك باچر، مطلوب منك تسوي اللي عليك اليوم، وتثق إن الله ما يضيع أجر سعيك لأنك مو من تسيطر على كلشي ترتاح، مرات ترتاح من تعرف حدود سيطرتك، وتتوكل على اللي بيده كلشي.

اسمو | فهم النفس

Open In TikTok:

Region: IQ

Thursday 15 October 2026 17:31:03 GMT