باوکە، خەڵک دەڵێن کات هەموو برینێک چاک دەکاتەوە، بەڵام کێ دەزانێت برینی لەدەستدانی باوک چۆنە؟ کێ دەزانێت من چەند جار لە ناخەوە شکام،بەڵام هێشتا دەبێت بەردەوام بم؟ من هێشتا هەمان کچم کە پێویستی بە باوکی هەیە، باوکە، دەزانیت دوای تۆ چەند شت لە ژیانم گۆڕاوە؟ چەند جار بە بێدەنگی گریانم کردووە، چەند جار دڵم شکاوە و هیچ کەسێکم نەبوو سەرم بخەمە سەر شانەکانی و پێی بڵێم چەند ماندووم؟ پێشتر کاتێک دڵم تەنگ دەبوو، تۆ هەبوویت؛ ئەگەر هیچیشت نەکردبا هەر هەبویت! باوکە، هەندێک شەو هەموو خەڵک دەخەون، بەڵام بیرەوەرییەکانت لە مێشکمدا بەئاگا دەمێننەوە. بیر لە دەنگت دەکەمەوە، بیر لە بوونت، بیر لەو ڕۆژانەی کە تۆ لە ژیانمدا بوویت و من نەمدەزانی ڕۆژێک دێت کە هەموو ئەو شتانە ببنە خەون و خەیاڵ. ئەو کاتە زیاتر لەگەڵت دەمامەوە، زیاتر باوەشم پێ دەکردیت، زیاتر پێم دەگوتیت خۆشم دەوێیت، خۆزگە دەمتوانی جارێکی تر دەستەکانت بگرم و پێت بڵێم: «باوکە، تکایە مەڕۆ، من هێشتا زۆر پێویستم بە تۆیە». خواگیان ئاگاداری بابم بە🫂💔💔💔💔 - @han.shvan