آؤ، بیٹھو پاس میرے، میں تمہیں بتاؤں، ہم دونوں کی انا میں ہمارا کتنا نقصان ہوا ہے۔ تم خاموش رہے، میں بھی چپ رہا، تم نے سوچا میں بدل گیا ہوں، میں نے سمجھا تمہیں پروا نہیں، اور یوں ایک چھوٹی سی غلط فہمی دونوں کے درمیان دیوار بن گئی۔ کاش اُس دن تم ایک بار پکار لیتے، کاش میں اپنی ضد چھوڑ کر تمہارے دروازے تک آ جاتا، کاش ہم دونوں میں سے کوئی ایک شخص ہار جاتا، تو شاید محبت جیت جاتی۔ مگر عجیب لوگ تھے ہم بھی، محبت دونوں کو تھی، انتظار دونوں نے کیا، درد دونوں نے سہا، مگر پہل کرنے سے دونوں ہی ڈرتے رہے۔ تم اپنی انا کے قیدی تھے، میں اپنی خودداری کا اسیر، اور درمیان میں وہ محبت دم توڑتی رہی جسے ہم عمر بھر کا رشتہ سمجھ بیٹھے تھے۔ اب سوچتا ہوں، رشتے ٹوٹتے نہیں ہیں ہمیشہ، کبھی کبھی لوگ اپنی ضد کے ہاتھوں رشتوں کو مرنے دیتے ہیں۔ تمہیں بھی میری کمی محسوس ہوئی ہوگی، مجھے بھی تمہاری یاد نے راتوں کو جگایا ہوگا، مگر ہم نے ایک دوسرے سے حال پوچھنے کے بجائے خاموشی کو جواب بنا لیا۔ کیا ملا ہمیں اس انا کو جیت کر؟ تم میرے نہیں رہے، اور میں تمہارا نہ ہو سکا، بس یہی ہماری جیت تھی اور یہی سب سے بڑا ہار بھی۔ آؤ، آج سب گلے شکوے چھوڑ دیں، آج کوئی انا درمیان میں نہ آئے، تم میرے سامنے بیٹھو، میں تمہیں دیکھ کر صرف اتنا کہوں گا— ہم دونوں غلط تھے، ہم دونوں ادھورے تھے، ہم دونوں کو محبت تھی، مگر محبت سے زیادہ ہمیں اپنی انا عزیز رہی۔ اور دیکھو نا، جس رشتے کو ہم اپنی زندگی سمجھتے تھے، آج اسی کے ملبے پر بیٹھ کر ہم حساب کر رہے ہیں کہ آخر نقصان کس کا زیادہ ہوا۔ سچ تو یہ ہے، نقصان دونوں کا ہوا، تم نے مجھے کھویا، میں نے تمہیں کھویا، اور ہماری انا نے ہم دونوں سے ہماری سب سے خوبصورت محبت چھین لی #fypシ #fyp #foryoupage #viraltiktok #sufi_e_tanhai1 - @sufi_e_tanhai1