@akeler_odagy_kyzy: Арал ауданында «Әкелер одағы» республикалық қоғамдық бірлестігінің отырысы өтті! Маңызды шараға «Әкелер одағы» РҚБ Қызылорда облыстық филиалының төрағасы Ержан Ескендір арнайы қатысты. Басқосу барысында әкенің қоғамдағы рөлі, отбасылық құндылықтарды дәріптеу және жас ұрпақ тәрбиесіндегі әкелік жауапкершілікті арттыру мәселелері кеңінен сөз болды. Ержан Ескендір өз сөзінде бала өміріндегі әке тұлғасының маңыздылығына ерекше тоқталып, өскелең ұрпаққа үлгі болу әрбір отбасы басшысының басты міндеті екенін атап өтті. Алқалы жиынға аймақтың зиялы қауым өкілдері, білім беру ұйымдары жанындағы Әкелер кеңестерінің төрағалары мен мүшелері және жас әкелер қатысты. Кездесу еркін пікір алмасу форматында жалғасып, қатысушылар отбасы институтын нығайту мен тәлім-тәрбие жұмыстарын жандандыру төңірегінде өз ойлары мен ұсыныстарын ортаға салды. #ӘкелерОдағыКЗО #АралАуданы
