إنه البحب بالجد ما بيعرف يأذي حبيبو 🥺 حقيقة يخوانا الإنسان البحب حب طبيبعي وسليم ما بيتحمل يشوف الإنسان اللي هو بحبه زعلان .. ما بيتحمل يشوفو بيعاني بي سبب أفعاله .. ما بيقدر يخليه في دوامة تساؤلات بينه وبين نفسه ! الإنسان البحبك بيخاف عليك من أفعاله .. بخاف يخدش قلبك بكلمة وبسببها أنت تعاني ! بخاف عليك حتى من نفسه وبديك مساحة أنت تختاره ! في فرق بين الحب الطبيعي ،، والحب المؤذي ! الحب الطبيعي الطرفين فيه بكونه متقبلين بعض ،، أي زول فيهم بكون عنده مشاعر للتاني وكل زول فيهم مُدي التاني مساحته الشخصية،، والإتنين بيراعوا لبعض ! أما الحُب المؤذي دا عبارة عن خنقة .. ضغط نفسي رهيب .. عدم قبول من طرف ،، وواحد فيهم بكون مدلوق ! أي علاقة مالم الطرفين فيها يكونوا عاوزين بعض وعندهم قبول لبعض تعتبر علاقة فاشلة ! = لأنه ما ينفع واحد يكون شاري والتاني بايع ! =ما ينفع واحد يكون متمسك شديد والتاني راخي يدو ! =ما ينفع واحد يكون قلبه مّليان مشاعر والتاني قلبه حجر ! يخوانا مافي حب بالقوة ،، ومافي محبة بالغصب ! عشان كدا ما ينفع تحاول مع إنسان أصلاً هو شايفك وما عاوز يركز معاك ! لأنه الما بحاول عشان يصل ليك ،، من البداية هو ما زولك ..!)) عت اللي بيتحمل أذاك،، عمره ما حَباك .. " لأنه البحب ما بيعرف للأذية طريق. " - @kjoonka63