@cawabemedia_: Waziri wa Ujenzi, Masanja Kadogosa, amemuondoa katika nafasi yake Kaimu Meneja wa Wakala wa Barabara Tanzania (TANROADS), Mkoa wa Songwe, Mhandisi Fredrick Mande, na kumtaka kurejea makao makuu ya taasisi hiyo. Hatua hiyo imechukuliwa kufuatia kile kilichoelezwa kuwa kushindwa kusimamia ipasavyo mradi wa ujenzi wa barabara ya Forodha–OSBP Tunduma, yenye urefu wa mita 1,675 katika mpaka wa Tanzania na Zambia. Kadogosa amesema hatua zaidi zinaendelea kuchukuliwa ili kumpata meneja mwingine atakayesimamia shughuli za TANROADS katika Mkoa wa Songwe. Uamuzi huo umefuatia ziara ya Waziri Kadogosa ya kukagua maendeleo ya mradi huo usiku wa Oktoba 15, 2026, akitekeleza maelekezo ya Makamu wa Rais, Deogratius Ndejembi. Awali, Ndejembi alieleza kutoridhishwa na kasi ya utekelezaji wa mradi huo, licha ya Serikali kuwa tayari imelipa sehemu kubwa ya fedha zilizotengwa kwa ajili ya ujenzi wake. Mradi huo unalenga kuboresha mtiririko wa magari na kupunguza msongamano wa malori katika Kituo cha Forodha cha Tunduma, ambacho ni kiungo muhimu cha biashara kati ya Tanzania na Zambia.

cawabemedia

Open In TikTok:

Region: TZ

Friday 16 October 2026 06:05:38 GMT