@redaksiaal: Kryeministri Edi Rama ka reaguar këtë mëngjes pas natës së tretë të protestave të studentëve dhe gjimnazistëve, duke i cilësuar ngjarjet e fundit si të shkëputura nga shqetësimet dhe aspiratat e të rinjve. Në mesazhin e tij, kreu i qeverisë solli në vëmendje familjet e prekura nga tërmeti dhe procesin e rindërtimit, ndërsa akuzoi forca politike se, sipas tij, po përpiqen të nxisin përçarje dhe të pengojnë përparimin e vendit. Rama kritikoi gjithashtu përfshirjen e të miturve në protesta dhe dëmtimin e pronës publike. Megjithatë, në reagimin e tij, kryeministri nuk komentoi fjalimin e Samanta Toçkës, i cili është bërë viral në rrjetet sociale në kontekstin e protestave studentore dhe shprehjen e pabarazisë sociale. “ Kjo është gremadha e jetës, e punës, e ëndrrave e një familjeje të zakonshme, prindërit e zakonshëm që hapin derën çdo mëngjes për të shtruar tryezën me ndershmëri. Dua t’u them të gjithëve atyre që sot janë me lot në sy përballë gremadhave të ngjashme se, sapo kjo flamë të kalojë, ne do të jemi aty bashkë. Dhe dua t’ju them se përballuam një tërmet të llahtarshëm me pasoja dhe ia dolëm së bashku. Ata që humbën shtëpinë për 30 sekonda janë në shtëpi më të forta. Si mund të jenë studentët, si mund të jetë investimi i prindërve te fëmijët e tyre kjo gremadhë? Kjo s’ka lidhje me studentët, flama nuk është studentore. Kjo s’ka të bëjë fare me hallet dhe me problemet apo me aspiratën për një vend më të mirë. Është po ajo dorë, ajo dorë që ka kapur për fyti opozitën shqiptare, që ka djegur njëherë Shqipërinë dhe është gati ta djegë e ta shkatërrojë përsëri, për të mos e lënë të përparojë, në një luftë të verbër. Flakët e ndasisë janë e vetmja dritë arsyeje. Këta nuk janë studentët. As ata që në mbrëmje predikojnë lëvizjen studentore nuk kanë të bëjnë me ju dhe zgjidhjet që ju keni nevojë. Si mund të nxiten të miturit në rrugë dhe të shkulin trotuare?”-tha Rama.

Redaksia.al

Open In TikTok:

Region: AL

Friday 16 October 2026 06:57:58 GMT