@baho.yuns0: دایکم… ❤️🥹 ئەو کەسەیە کە پێش ئەوەی چاوی بە دنیایەک بکەوێت، دڵی بە منەوە بەستووە، ئەوەیە کە پێش ئەوەی بتوانم قسە بکەم، بە زمانی دڵی خۆی تێگەیشتووم، پێش ئەوەی بتوانم بڕۆم، باوەشی بۆ کردوومەتە شوێنی ئارامی. دایک تەنها ناوێک نییە، دایک واتە هەموو ژیانت لە کەسێکدا کورت بکرێتەوە، واتە کەسێک هەبێت کە لە ناخۆشترین ساتەکانتدا هێشتا هیوایەکت پێ ببەخشێت، لە کاتێکدا هەموو کەسێک لێت دوور دەکەوێتەوە، ئەو هەر لە تەنیشتتەوە بمێنێتەوە. دایک ئەو دڵە پاکەیە کە بەبێ هیچ چاوەڕوانییەک خۆشی دەوێیت، ئەو دەستەیە کە هەرچەندە خۆی ماندوو بێت، بەڵام هەرگیز لە پاڵپشتیکردنت ماندوو نابێت. دایک ئەو چاوانەیە کە لە پشت پێکەنینەکانتدا خەمەکانت دەخوێنێتەوە، ئەو گوێیەیە کە هەرچەندە هەزار جار هەمان ئازارت بۆ بگێڕیتەوە، هێشتا بە سۆزەوە گوێت لێ دەگرێت. 🥹❤️‍🩹 دایکم، تۆ جوانترین بەشیت لە ژیانی من، تۆ ئەو نیعمەتەی خودای کە هەرچەندە هەموو ڕۆژێک سوپاسگوزاری بکەم، هێشتا ناتوانم بە قەدەر ئەوەی شایستەیەتی سوپاست بکەم. هیچ گوڵێک بۆ جوانی دڵت ناگات، هیچ وشەیەک ناتوانێت قەبارەی خۆشەویستیت بۆ من وەسف بکات، هیچ باوەشێک لە جیهاندا وەک باوەشی تۆ ئارامی نییە. هەرچەندە گەورە ببم، هەرچەندە ژیان بگۆڕێت و ڕۆژگار من بە ڕێگاکانی خۆیدا ببەیت، هەرگیز ئەو کچە نامێنێتەوە کە لە باوەشی تۆدا ئارامی دەگرت؛ بەڵام دڵم هەمیشە هەمان دڵە، هەمیشە پێویستی بە دوعاکانتە، بە دەنگت، بە پێکەنینت و بە بوونی تۆیە. خودایە، ئەگەر دوعایەکم لە هەموو دوعاکانم زیاتر بە نرخ بێت، ئەوا دوعام ئەوەیە کە دایکم بۆم بپارێزیت، تەندروستی و تەمەنێکی درێژی پێ ببەخشیت، خەم لە دڵی دوور بخەیتەوە و هیچ ڕۆژێک چاوی بە فرمێسکی دڵشکانی نەکەوێت. چونکە دڵی من بە خۆشیی دایکم خۆشە، ئارامی من بە ئارامی ئەوە و ژیانی من بە بوونی ئەو جوانە. دایکم، تۆ تەنها دایکی من نیت، تۆ دنیای منیت، دوعای منیت، بەهەشتی دڵمیت و ئەو خۆشەویستییەیت کە تا دوا هەناسەم لە دڵمدا دەمێنێتەوە. خودایە، دایکی من بۆ من بمێنێتەوە، چونکە من هێشتا زۆر پێویستم بەوەیە کە بە دەنگی خۆی بانگم بکات و بڵێت: کچەکەم… ❤️🥹� #hawler_slemani_dhok_karkuk_hallabja_ #هەمووتان_دڵن😍💙ئەکتیڤبن #الحمدالله_علی_کل_حال❤

BAHRA❤️‍🔥💫

Open In TikTok:

Region: IQ

Friday 16 October 2026 09:04:57 GMT