@joq: Avokati Altin Goxhaj ka publikuar një video nga rrugët e Tiranës, në të cilën shfaqen efektivë policie me fytyra të mbuluara, të cilët, sipas tij, po ndalonin qytetarë dhe po kontrollonin edhe të rinj të mitur. Në video, Goxhaj shpreh shqetësimin për identifikimin e efektivëve, duke pretenduar se ata nuk kishin emra apo numra identifikimi të dukshëm. Ai filmon edhe automjetet e policisë dhe targat e tyre, ndërsa kërkon të dijë se kush janë personat që po kryejnë kontrollet në rrugë. Gjatë regjistrimit, avokati ngre gjithashtu pretendime lidhur me mbërritjen e disa avionëve nga Izraeli, duke spekuluar për një lidhje të mundshme me personat që shfaqen në video, por pa paraqitur prova për këtë pretendim. Ndërkohë, pamjet ngrenë pikëpyetje mbi mënyrën e identifikimit të efektivëve gjatë kontrolleve ndaj qytetarëve.