@bizim.media.az: Bakıda tək yaşamaq istəyən qadın üçün problem bəzən puldan və ev tapmaqdan da əvvəl başlayır: ev sahibi onun qadın olduğunu öyrənəndə qapı üzünə bağlanır. Bizim.Media “yenisabah.az”a istinadla xəbər verir ki, son illərdə təhsil, iş və şəxsi səbəblərlə paytaxtda ailəsindən ayrı yaşayan qadınların sayı artır. Lakin xüsusilə kirayə mənzil axtaran subay və tək yaşayan qadınlar üçün mənzil tapmaq heç də asan deyil. Ən çox qarşılaşılan problemlərdən biri ev sahiblərinin mənzili tək qadına vermək istəməməsidir. “Tək qadına ev vermirəm” Kirayə mənzil elanlarına baxarkən ilk diqqət çəkən məsələ qiymət olsa da, qadınlar üçün bundan sonra daha bir seçim mərhələsi başlayır. Bəzi ev sahibləri mənzili yalnız ailəyə, ər-arvada və ya bir neçə nəfərdən ibarət qadın qrupuna verməyə üstünlük verir. Tək yaşayan qadın isə bəzən mənzilə baxmağa belə dəvət olunmur. Səbəb kimi müxtəlif arqumentlər səsləndirilir: “evdə kişi olmayacaq”, “tək qadınla bağlı narahatlıq var”, “qonşular problem yarada bilər”, “evə kimin gəlib-gedəcəyi bilinmir” və s. Beləliklə, kirayə mənzil axtaran qadının qarşısında yalnız “büdcəmə uyğun ev varmı?” sualı dayanmır. “Ev sahibi məni qadın olduğuma görə qəbul edəcəkmi?” sualı da yaranır. Ev tapmaq üçün “ailə” olmaq lazımdır? Maraqlı məqam odur ki, bəzi qadınlar kirayə ev axtararkən şəxsi həyatları ilə bağlı suallarla da qarşılaşırlar. “Evlisiniz?”, “Nişanlınız var?”, “Tək qalacaqsınız?”, “Ailəniz haradadır?”, “Niyə tək yaşayırsınız?” kimi suallar mənzil axtarışının bir hissəsinə çevrilir. Halbuki mənzil kirayələmək istəyən şəxsin əsas məsələsi müqavilənin şərtləri, ödəniş qabiliyyəti və mənzildən istifadə qaydaları olmalıdır. 📷gkazimzade_

Bizim Media

Open In TikTok:

Region: AZ

Friday 16 October 2026 10:46:14 GMT