त्रिभुवन राजपथ अन्तर्गत पर्साको वीरगञ्जस्थित मितेरी पुलदेखि गण्डक चोकसम्मको करिब ८ किलोमिटर सडकको सीमा क्षेत्र खाली गराउने कार्य सम्पन्न भईसकेको छ । पहिलो चरणमा २०८३ वैशाख ६ र ७ गते तथा दोस्रो चरणमा २०८३ असार १८ देखि भदौ ३१ गतेसम्म सीमाक्षेत्र खाली गराइएको हो। सडक विस्तारका क्रममा विद्युत्, खानेपानी तथा इन्टरनेट सेवा पटक- पटक अवरुद्ध हुँदा वीरगञ्जवासीले लामो समयसम्म भोग्नुपरेको दैनिक जीवनमा कठिनाइ र सास्तीप्रति दुख ब्यक्त गर्छौ, असहज अवस्थामा देखाउनुभएको धैर्य, संयमता र सहयोगका लागि आभारी छौं । अब सडक विस्तारको निर्माण प्रक्रिया अघि बढेको छ। पूर्वाधार विकास मन्त्रालयले सडक विस्तारका लागि दुई प्याकेजमा बोलपत्र आह्वान गरिसकेको छ। पहिलो प्याकेज अन्तर्गत मितेरी पुलदेखि घण्टाघरसम्म र दोस्रो प्याकेज अन्तर्गत घण्टाघरदेखि गण्डक चोकसम्म सडक विस्तार गरिनेछ। दुवै प्याकेजका लागि २०८३ असोज ३० गते बोलपत्र आह्वान गरिएको हो। योजना अनुसार वीरगञ्जको मुख्य बजार क्षेत्र इदगाह चोकदेखि पावर हाउससम्म सडकको बीच भागमा चार लेनको सडक निर्माण गरिनेछ। दुवैतर्फ साइकल लेन र फराकिलो फुटपाथ हुनेछ । बजार क्षेत्रबाहिर भने सर्भिस लेनसहितको ६ लेनको सडक निर्माण गरिनेछ। सडकका दुवै किनारमा दरबारमार्गमा जस्तै ग्रेनाइट ढुङ्गा बिछ्याएर फुटपाथ निर्माण गरिनेछ। निर्माण कार्य ३० महिनाभित्र सम्पन्न गर्ने लक्ष्य छ। वीरगञ्जलाई व्यवस्थित, सुरक्षित, आधुनिक र सुन्दर शहरका रूपमा विकास गर्ने लक्ष्य राखेका छौं । - @pmonepal