ရာသက်ပန်ပေါင်းဖက်ဖို့ဆို… ချစ်ခြင်းမေတ္တာတစ်ခုတည်းနဲ့ မလုံလောက်ဘူး ဆိုတာ တစ်နေ့ကျရင် မင်းသဘောပေါက်လာလိမ့်မယ်။ တကယ်တော့ အချစ်က အစပဲရှိသေးတာ ရေရှည်လက်တွဲဖို့ဆိုတာ အချစ်ထက်ပိုတဲ့ အရာတွေ အများကြီးလိုအပ်တယ်။ တချို့လူတွေက “ချစ်ရင် အရာအားလုံး အဆင်ပြေသွားမယ်” လို့ ထင်ကြတယ် ဒါပေမယ့် လက်တွေ့ဘဝမှာတော့ ချစ်တာတစ်ခု တည်းနဲ့ အရာအားလုံးကို မဖြေရှင်းနိုင်ဘူး အချစ်ရှိနေသေးပေမယ့် ငွေကြေးအခက်အခဲ တွေ၊ တာဝန်ဝတ္တရားတွေ၊ အပေးအယူမမျှတာ တွေ၊ နားလည်မှုနည်းပါးတာတွေကြောင့် လမ်းခွဲသွားရတဲ့ စုံတွဲတွေ အများကြီးရှိတယ် မချစ်လို့ လမ်းခွဲရတာထက် ဘဝရဲ့ဖိအားတွေကို အတူမကျော်ဖြတ်နိုင်လို့ လက်လွှတ်လိုက်ရတာ တွေက ပိုများတယ်။ ဒါကြောင့် ....တစ်ယောက်နဲ့တစ်ယောက် အပေးအယူမျှတတ်ရမယ် အမြဲတမ်း ကိုယ်ပဲမှန်တယ်ဆိုတဲ့စိတ်ကို လျှော့ချပြီး တစ်ဖက်လူရဲ့ခံစားချက်ကိုလည်း နားလည်ပေးတတ်ရမယ် စကားများတဲ့အချိန်မှာ အနိုင်ယူဖို့မဟုတ်ဘဲ အတူတူအဖြေရှာဖို့ သင်ယူရမယ်။ တစ်လှေတည်း စီးဖို့ဆုံးဖြတ်လိုက်ပြီဆိုရင် တစ်ယောက်တည်းရုန်းကန်ရတဲ့ ခရီးမဟုတ်တော့ဘူး ၊ ပင်ပန်းတဲ့နေ့တွေမှာ အားပေးနိုင်တဲ့လက်တစ်စုံ၊ လဲကျတဲ့အချိန်မှာ ဆွဲထူပေးနိုင်တဲ့ပခုံးတစ်ဖက်၊ အောင်မြင်တဲ့အချိန်မှာလည်း မနာလိုဘဲ ဂုဏ်ယူပေးနိုင်တဲ့နှလုံးသားတစ်ခု လိုအပ်တယ် Support ပေးနိုင်ခြင်းက “ချစ်တယ်” ဆိုတဲ့ စကားထက် အဓိပ္ပာယ်ပိုရှိတဲ့အချိန်တွေ အများကြီးရှိတယ်။ ငွေရေးကြေးရေးကလည်း အချစ်ကိုမတိုင်းတာ ပေမယ့် ဘဝအပေါ်တော့ သက်ရောက်မှုရှိတယ်။ အတူတူ ကြိုးစားချင်တဲ့စိတ်၊ အနာဂတ်အတွက် အစီအစဉ်ချနိုင်တဲ့စိတ်၊ အခက်အခဲကို အတူရင်ဆိုင်ချင်တဲ့စိတ်၊ တစ်ယောက်ရဲ့ ဝန်ကို တစ်ယောက်မျှဝေထမ်းပိုးပေးချင်တဲ့စိတ်တွေက ပိုအရေးကြီးတယ်။ အရေးကြီးဆုံးကတော့ နားလည်မှုပါ မပြောဘဲနဲ့လည်း သိပေးနိုင်ဖို့၊ ပြောလာတဲ့အခါလည်း အဆုံးထိနားထောင်ပေး နိုင်ဖို့၊ အမှားလုပ်မိတဲ့အချိန်မှာ စွန့်ပစ်သွားတာ မဟုတ်ဘဲ ပြင်ဆင်ဖို့ အခွင့်အရေးပေးနိုင်ဖို့ လိုတယ်။ ယုံကြည်မှု၊ လေးစားမှု၊ သစ္စာရှိမှု၊ တာဝန်ယူမှု၊ စိတ်ရှည်မှု၊ ခွင့်လွှတ်နိုင်မှု…ဒီအရာတွေ စုစည်း လိုက်မှ “ရာသက်ပန်” ဆိုတဲ့စကားလုံးက အဓိပ္ပာယ်ရှိလာတာ။ ချစ်ခြင်းမေတ္တာက လူနှစ်ယောက်ကို တွေ့ဆုံစေတယ်... ဒါပေမယ့် အပေးအယူမျှတမှု၊ နားလည်မှု၊ ယုံကြည်မှု၊ Support ပေးနိုင်မှုနဲ့ အတူတူ ရင်ဆိုင်ရဲတဲ့သတ္တိတွေကပဲ လူနှစ်ယောက်ကို သက်ဆုံးတိုင် လက်မလွှတ်ဘဲ အတူတူ လျှောက်လှမ်းနိုင်စေတာပါ။#စာတို #fpyシ #foryoupage #မူရင်းကိုcrdပေးပါတယ်နော် #Kyaw - @kyawlinoo8351