بص يا صاحبي..القصة اللي حفظوها لنا في خطبة الجمعة بتقول: فرعون وهو بيغرق استنجد بموسى وموسى مرضاش يغيثه، فربنا قال يا موسى لو كان استنجد بي مرة واحدة كنت أغثته.. كلام شكله حنين وجميل.. بس القرآن نفسه بيقول عكسه تماماً. ركز معايا ثانية.. القرآن ذكر بالحرف فرعون قال ايه وهو بيغرق..قال تعالى:« حَتَّىٰ إِذَا أَدْرَكَهُ الْغَرَقُ قَالَ آمَنتُ أَنَّهُ لَا إِلَٰهَ إِلَّا الَّذِي آمَنَتْ بِهِ بَنُو إِسْرَائِيلَ وَأَنَا مِنَ الْمُسْلِمِينَ» خدت بالك فرعون مستنجدش بموسى.. فرعون استنجد بربنا مباشرة وقال آمنت وأنا من المسلمين.. قال كلمة التوحيد كاملة بنفسه. طب ربنا قبلها؟ لا. الرد جه صادم في الآية اللي بعدها على طول:« آلْآنَ وَقَدْ عَصَيْتَ قَبْلُ وَكُنتَ مِنَ الْمُفْسِدِينَ» مقالوش انت اتأخرت عن موسى.. قاله انت اتأخرت عني أنا.. عصيت قبل وكنت من المفسدين.. يعني المشكلة مش في الكلمة.. المشكلة في التوقيت. وهنا ربنا حط قانون التوبة اللي مفيهوش هزار.. قال: ﴿إ« نَّمَا التَّوْبَةُ عَلَى اللَّهِ لِلَّذِينَ يَعْمَلُونَ السُّوءَ بِجَهَالَةٍ ثُمَّ يَتُوبُونَ مِن قَرِيبٍ» وبعدها على طول قال:« ولَيْسَتِ التَّوْبَةُ لِلَّذِينَ يَعْمَلُونَ السَّيِّئَاتِ حَتَّىٰ إِذَا حَضَرَ أَحَدَهُمُ الْمَوْتُ قَالَ إِنِّي تُبْتُ الْآنَ﴾» يعني التوبة اللي بتيجي ساعة الموت وانت شايف الغرق بعينك مرفوضة بنص القرآن وفرعون عمل كده بالظبط. وعشان تفهم ان كلمة التوحيد لوحدها مش كفاية..المنافقين كانوا بيقولوها كل يوم: « إِذَا جَاءَكَ الْمُنَافِقُونَ قَالُوا نَشْهَدُ إِنَّكَ لَرَسُولُ اللَّهِ» ومع ذلك ربنا قال:« إِنَّ الْمُنَافِقِينَ فِي الدَّرْكِ الْأَسْفَلِ مِنَ النَّارِ» العبرة مش انك نطقتها.. العبرة نطقتها امتى وبقلب شكله ايه. فرعون غلطته انه افتكر باب التوبة مفتوح حتى وهو شايف المية داخلة صدره.. ودي رسالة ليك انت متأجلش توبتك للحظة الغرق... الله الموفق والمستعان 🦅🦅🦅🇪🇬🦅🦅🦅 #الله_الوطن_الجيش_المخابرات🦅🦅🦅 #معركة_الوعي👌✌️ #العقاب🦂🦂🦂 - @awedzahra