@homeartgallery1: A New Chapter of Appreciation, A Timeless Collection of Love. ✨ မင်္ဂလာပါခင်ဗျာ… 🎨 တောင်လှေကား–Home Art Gallery တွင် လက်ရှိခင်းကျင်းပြသလျက်ရှိသော “Chapter 16 – An Exhibition from Private Collections” ပြပွဲကြီး၌ ပြသထားသည့် ပန်းချီလက်ရာများကို မျှော်မှန်းထားသည်ထက် ပိုမိုစိတ်ဝင်စားစွာ လာရောက်ကြည့်ရှုအားပေးကြပြီး ဝယ်ယူစုဆောင်းသွားကြသည့်အတွက် အထူးပင် ဝမ်းမြောက်ဂုဏ်ယူမိပါသည်။ အနုပညာကို ချစ်မြတ်နိုးတန်ဖိုးထားကြသူ တစ်ဦးချင်းစီအားလည်း တောင်လှေကား-Home Art Gallery မှ လှိုက်လှိုက်လှဲလှဲ ကျေးဇူးတင်ရှိပါသည်။ 🤍 ထို့ကြောင့် ပြပွဲ၏ ကျန်ရှိသောရက်များအတွင်း လက်ရာအသစ်များ ထပ်မံဖြည့်စွက်ပြသတော့မည် မဟုတ်ဘဲ၊ ဝယ်ယူစုဆောင်းသွားကြသည့် ပန်းချီကားများကြောင့် လစ်လပ်သွားသော နေရာများတွင် Gallery နှင့် Collector အစ်ကိုတစ်ဦးတို့က မြတ်နိုးတန်ဖိုးထားစွာ စုဆောင်းသိမ်းဆည်းထားသည့် ပန်းချီဆရာကြီး ဆရာမူးမူး၏ collection ပန်းချီလက်ရာများ ကို အစားထိုးခင်းကျင်းပြသသွားမည် ဖြစ်ပါသည်။ ဤလက်ရာများသည် ရောင်းချရန်မဟုတ်ဘဲ အနုပညာကို ချစ်မြတ်နိုးတန်ဖိုးထားသူများအတွက်သာ မျှဝေခံစားနိုင်ရန် ရည်ရွယ်ထားသော (NOT FOR SALE) လက်ရာများ ဖြစ်ပါသည်။ အနုပညာလက်ရာတစ်ခု၏ တန်ဖိုးသည် ဝယ်ယူပိုင်ဆိုင်ခြင်း၌သာ ရှိသည်မဟုတ်ပါ။ တစ်ခါတစ်ရံ မြတ်နိုးစွာ စုဆောင်းထားသော လက်ရာတစ်ခုကို အခြားသူတစ်ဦးက ခံစားကြည့်ရှုခွင့်ရခြင်းသည်ပင် အနုပညာ၏ အလှတရားကို မျှဝေခြင်းတစ်မျိုး ဖြစ်ပါသည်။ အချို့သောပန်းချီကားများသည် အိမ်တစ်အိမ်၏ အလှတရားအဖြစ် တည်ရှိကြပြီး၊ အချို့သောပန်းချီကားများသည် အနုပညာချစ်သူတို့၏ နှလုံးသားထဲတွင် အမှတ်တရအဖြစ် ရှင်သန်နေကြပါသည်။ ထို့ကြောင့် Chapter 16 ၏ ကျန်ရှိသောပြပွဲရက်များတွင်လည်း ဆရာမူးမူး၏ မြတ်နိုးဖွယ်ရာ ပန်းချီလက်ရာများကို လာရောက်ကြည့်ရှုခံစားနိုင်ကြောင်း သတင်းကောင်းပါးအပ်ပါသည်။ 📍 တောင်လှေကား–Home Art Gallery 🖼️ Chapter 16 – An Exhibition from Private Collections အနုပညာကို ပိုင်ဆိုင်ခြင်းထက် ပိုမိုလှပသောအရာမှာ… အနုပညာ၏ တန်ဖိုးကို အတူတကွ ခံစားမျှဝေခြင်းပင် ဖြစ်ပါသည်။ 🤍 October လ 28 ရက်နေ့အထိ တောင်လှေကား-Home Art Gallery မှာ ပြပွဲရှိနေမှာပါ။ အိမ်တစ်အိမ်ရဲ့ ဧည့်ခန်းထဲက ပန်းချီကားတွေကို လာရောက် ခံစားကြည့်ကြပါလို့ပဲ ဖိတ်ခေါ်ပါရစေ။ #တောင်လှေကား #homeartgallery #collector’sartshow

183

To see more videos from user @homeartgallery1, please go to the Tikwm homepage.