@dad.sirri: Kəlbəcər üsulu ilə qozlu, cızdaqlı şirin kömbə🇦🇿🇦🇿 Şəhidlərimizə Allahdan rəhmət, qazilərimizə can sağlığı, Prezidentimizə möhkəm cansağlığı arzulayıram. Bu gün azad Qarabağ torpağında qədim milli təamlarımızı hazırlamaq, unudulmaqda olan ənənələrimizi yaşatmaq bizim üçün böyük qürur və xoşbəxtlikdir. Kömbə qədimdən milli mətbəximizin müxtəlif bölgələrində hazırlanan ənənəvi təamlardandır. Bu dəfə Kəlbəcər üsulu ilə qozlu, cızdaqlı şirin kömbə hazırladım və Qarabağ torpağında, çay daşlarından qurduğumuz təbii ocaqda bişirdim. Ərzaqlar * Un — 600 q * Cızdaq — 3 xörək qaşığı * Qoz — 100 q * Süd — lazım olan qədər * Balata — 70 q * Yumurta — 2 ədəd * Kərə yağı — 50 q * Şəkər tozu — yarım stəkan * Duz — yarım çay qaşığı Hazırlanma qaydası Unu qaba töküb üzərinə balatanı, duzu, şəkəri, cızdağı və yumurtaları əlavə edirik. Südü tədricən tökərək xəmir yoğururuq. Sonda kərə yağı ilə xəmiri toparlayır, xırda doğranmış qozu əlavə edib qarışdırırıq. Xəmiri acımağa qoyuruq. Kömbəni bişirmək üçün əvvəlcədən torpağı qazıb iri çay daşlarını yerləşdirdik, kənarlarını da daşlarla bağladıq. Ocaqda 4–5 saat ərzində müxtəlif yeməklər bişdiyi üçün daşlar yaxşı qızmışdı. Nənələrimiz qədimdə xəmiri birbaşa sacın ortasına yayıb bişirərdilər. Mən isə açıq havada bu üsulu tətbiq etməyə risk etmədim və xəmiri yağlı kağız üzərində yayaraq sacın üzərinə yerləşdirdim. İkinci sacım olmadığı üçün üstünü qalın tava ilə örtdüm və üzərinə köz qoydum. Kömbə qızmış daşların istiliyində asta-asta bişərək hər iki tərəfdən gözəl qızardı, sanki sobada bişmiş kimi oldu. Çəkiliş zamanı bəzi detalları xırdalığına qədər göstərə bilmədik. Buna səbəb ətrafda çoxlu arı yuvalarının olması idi. Arılar çəkilişimizə hədsiz mane olur, dəfələrlə üzərimizə hücum çəkirdilər. Beləcə, Kəlbəcər üsulu ilə qozlu, cızdaqlı şirin kömbəmiz hazırdır! Milli mətbəximizin qədim dadlarını yaşatmaq və gələcək nəsillərə ötürmək bizim üçün böyük dəyərdir.#qarabag #kelbecer🇦🇿🇹🇷💪💪💪 #millisirniyyatlar #sirniyyat #qarabagazerbaycandi

Dad.Sirri

Open In TikTok:

Region: AZ

Friday 16 October 2026 14:04:52 GMT