«ҰЛЫ ДАЛА ЖОЛЫМЕН» КВЕСТ ОЙЫНЫ ӨТТІ Атырау облысы Ішкі саясат басқармасының «Қоғамдық келісім» КММ ұйымдастыруымен мектеп оқушылары арасында «Ұлы дала жолымен» атты квест ойыны өтті. Шараның мақсаты оқушылардың тарихи танымын кеңейту, ұлттық құндылықтарға қызығушылығын арттыру, сондай-ақ логикалық ойлау, тапқырлық және жылдам шешім қабылдау қабілеттерін дамыту болды. Квест барысында қатысушылар тарихи-танымдық және логикалық тапсырмаларды орындап, өз білімдері мен ептіліктерін сынады. Командалық сайыс оқушылардың ұйымшылдығы мен бірлесіп жұмыс істеу дағдыларын да шыңдады. Қорытындысында үздік нәтиже көрсеткен қатысушылар алғыс хаттармен марапатталып, жүлдегерлерге ақшалай сыйлықтар табысталды. - @qogamdyq_kelisim_atyrauu