စိတ်ငြိမ်းချမ်းဖို့ အရာအားလုံးကို လိုက်မခံစားပါနဲ့ ကျနော့်ကို Msg တွေပို့ကြတယ် သူများပြောတာတွေကို အရမ်းခံစားလွယ်လို့ အမြဲစိတ်ပင်ပန်းရတဲ့အကြောင်း။ အလုပ်ထဲမှာဆိုလည်း ဘယ်သူကဘယ်လိုပြောလဲ ရွယ်တူတွေက ဘယ်လောက်ဝင်ငွေလဲ ဘယ်သူက ဘာကြီးဖြစ်သွားပြီ ဒါတွေခံစားမိနေလို့ စိတ်ညစ်ပါတယ်တဲ့။ လူတိုင်းပြောသမျှ ဖြစ်သမျှကို လိုက်တွေးနေမယ်ဆိုရင် ကိုယ့်စိတ်က ဘယ်တော့မှ အနားရမှာလဲ။ တစ်ယောက်ယောက်ရဲ့ စကားတစ်ခွန်းကြောင့် တစ်ညလုံး အိပ်မပျော်တာ၊ သူများရဲ့ အပြုအမူတစ်ခုကြောင့် တစ်နေ့လုံး စိတ်မကြည်တာ၊ ကိုယ်နဲ့မဆိုင်တဲ့ ပြဿနာတွေကိုပါ ကိုယ့်ပြဿနာလို ခံစားနေရတာမျိုးတွေ ရှိတတ်ကြပါတယ်။ ဒါပေမဲ့ ကိုယ်သိထားသင့်တာတစ်ခုရှိတယ်။ ✅ လူတိုင်းရဲ့အမြင်ကို ကိုယ်ပြောင်းလဲပေးလို့ မရဘူး။ ✅ လူတိုင်းရဲ့စိတ်ကို ကိုယ်ကျေနပ်အောင် လုပ်ပေးလို့ မရဘူး။ ✅ ကိုယ်မထိန်းချုပ်နိုင်တဲ့ အရာတိုင်းအတွက် ကိုယ့်စိတ်ကို ပေးဆပ်နေစရာ မလိုဘူး။ ✅ တချို့စကားတွေကို ပြန်မတုံ့ပြန်ဘဲ နေလိုက်ပါ။ တချို့ကိစ္စတွေကို ကိုယ့်အလုပ်မဟုတ်ရင် ဝင်မပါဘဲ နေလိုက်ပါ။ ✅ တချို့လူတွေရဲ့ အထင်အမြင်တွေကို ကိုယ့်တန်ဖိုးနဲ့ မရောထွေးလိုက်ပါနဲ့။ ✅ ဒါဟာ လျစ်လျူရှုတတ်လာတာ မဟုတ်ဘူး။ ကိုယ့်စိတ်ရဲ့ နယ်နိမိတ်ကို သိလာတာပါ။ ✅ ဘဝမှာ ခံစားသင့်တာတွေကို ခံစားပါ။ ချစ်သင့်သူတွေကို ချစ်ပါ။ တာဝန်ယူသင့်တာတွေကို ယူပါ။ ဒါပေမဲ့ အရာရာတိုင်းကို ရင်ထဲထည့်ထားဖို့တော့ မလိုပါဘူး။ 🟥 ကိုယ့်အချိန်၊ ကိုယ့်စွမ်းအင်နဲ့ ကိုယ့်စိတ်ငြိမ်းချမ်းမှုတွေဟာလည်း တန်ဖိုးရှိတဲ့ အရာတွေပါပဲ။ 🟥 နောက်ဆုံးတော့ ဘဝဆိုတာ လူတိုင်းကို ကျေနပ်အောင် နေထိုင်ရတဲ့ ပြိုင်ပွဲတစ်ခု မဟုတ်ပါဘူး။ 🟥 တစ်ခါတလေ စိတ်ချမ်းသာဖို့အတွက် တစ်ခုခုကို အနိုင်ယူဖို့ မလိုဘူး။ ကိုယ့်စိတ်ထဲကနေ လွှတ်ချတတ်ဖို့ပဲ လိုတာပါ။ #စိတ်ငြိမ်းချမ်းမှု #ဘဝအတွေးအမြင် #ကိုယ့်စိတ်ကိုယ်ဂရုစိုက်ပါ မေတ္တာဖြင့် ဒေါက်တာအောင်မင်းသူ ၁၅၊၁၀၊၂၀၂၆ #အချိန်ပေးပြီးဖတ်ကြည့် #fypシ゚viral - @myat.tha.zin496