සද්ධන්තයන් නිකම යන යුගයක..😔 ලංකාවේ උසම හා විශාලතම හස්තියා ලෙස සැලකෙන කාවන්තිස්ස ඇතා අද අපෙන් සමුගත්තේ ඉතාම සෝචනීය ආකාරයකට. වෙඩි වැදී මඩ ගොහොරුවක් මැද ජීවිතය අයැදිමින් හෝරා ගණනාවක් සටන් කිරීමෙන් අනතුරුව කාවන්තිස්සට පරාජය භාර ගන්න සිද්ධ වෙලා. කාවන්තිස්සගේ සේයා රූ අද හැමතැනම දකින්න පුලුවන්. නමුත් කාවන්තිස්ස දැන් ඇත්තටම අපි අතර නෑ. මේකට වැරදිකාරයෝ කවුද? මීට මාස ගණනාවකට පෙර මෙවැනිම ආකාරයෙන් හස්තිරාජයෙක් අපෙන් සමුගත්තා. ඒ දීඝදන්තු. දීඝදන්තු මියගියේ විදුලි සැර වැදීමෙන්. දීඝගන්තු කියන්නෙත් ඉතාම ආකර්ෂණීය හා දැවැන්ත හස්තිරාජයෙක්. මේ වගේ වාර්ෂිකව නම ගිය දැවැන්ත හස්තිරාජයොත් අපි නම් නොදන්නා තවත් බොහෝ අලි ඇතුනුත් මිනිස් ක්‍රියාකාරකම් නිසා ජීවිතයෙන් සමුගන්නවා. මේක ඉතාම අවාසානාවන්ත තත්වයක්. අලි විතරක් නෙමෙයි. ඉතා වටිනා මිනිස් ජීවිතත් මේ නිසා අහිමි වෙනවා කියලා අපි හොඳාකාරවම දන්නවා. මේ කවුරුවත් නිරපරාදේ තමන්ගේ ජීවිත අකාලයේ නැති කර ගන්න එක ඉතාම අවාසානාවන්ත තත්වයක්. ‘‘අලි මිනිස් කන්ෆ්ලිට් එක තියෙන එකම රට අපි විතරක් නෙමෙයි. බොට්ස්වානා, ටැන්සානියා, කෙන්යා, සිම්බාබ්වේ වගේ අප්‍රිකානු රටවල ලක්ෂ 4කට වැඩි අලි ගහනයක් ඉන්නවා. ආසියානු රටවල්වලින් ඉන්දියාවෙ විතරක් විසිහත්දාහක් තිස්දාහක් පමණ අලි ගහනයක් ඉන්නවා. මේ හැම රටක්ම අලි මිනිස් ගැටුමට විසඳුම් හොයනවා. දැනට වාර්ෂිකව ලෝකයේ වැඩිම මිනිස්සු මැරෙන්නේ මේ කන්ෆ්ලිට් එක නිසා ඉන්දියාවේ. හැබැයි වැඩිපුරම අලි මැරෙන්නේ ලංකාවේ...‘‘ – (උපුටාගැනීම මායාබෝංචි චිත්‍රපටයෙන් ) මිනිස්සුන්ට වගේම අලින්ටත් බියෙන් සැකෙන් තොරව වඩාත් හොඳ ජීවිතයක් ගත කරන්න පුලුවන් වටපිටාවක් හදන එක තමයි අපේ බලාපොරොත්තුව. ඒ වෙනුවෙන් ක්‍රියාකරන, වෙහෙසෙන හැමෝටම අපි හිස නමා ආචාර කරනවා. ‘‘මායාබෝංචි‘‘ අපි යෝජනා කරන්නෙත් එහෙම සමාජයක්. අලින්ටත් මිනිස්සුන්ටත් දොගොල්ලොන්ටම සතුටින් ඉන්න පුලුවන් ලෝකයක්. කාවන්තිස්ස වගේම දීඝජන්තුත් අපෙන් නික්ම ගිය එක නොමැකිය හැකි පාඩුවක්. අපි ඉදිරියටවත් එසේ නොවන්න වග බලා ගනිමු. ඒ වෙනුවෙන් අපි හැකිතාක් උත්සාහ ගනිමු. මේ හැමෝම වෙනුවෙන් අපට කළ හැකි උසස්ම උපහාරය එයයි. #mayabonchi #sinhalacinema #wlidelephantsrilanka🐘 - @mayabonchifilm