@fikrahuru882: Waziri wa Habari, Utamaduni, Sanaa na Michezo, Paul Makonda, amesema alijikuta akimwaga machozi wakati akitazama runinga na kushuhudia Mtanzania Jihan Dimack akivishwa taji la Miss Grand International 2026. Akizungumza wakati wa majumuisho ya ziara yake Mkoani Mwanza, Makonda amesema aliguswa na tukio hilo, hususan wakati wimbo wa Taifa la Tanzania ukipigwa katika hafla ya kumvisha taji Jihan. “Nilijikuta nalia nilipoona anavishwa taji huku wimbo wa Taifa ukipigwa, hakuiwakilisha Tanzania tu bali Afrika nzima,” amesema Makonda. Aidha, Makonda amewataka Watanzania, hususan Vijana, kujitokeza kwa wingi kumpokea Jihan, anayetarajiwa kuwasili Nchini kesho, Oktoba 17, 2026, kupitia Uwanja wa Ndege wa Kimataifa wa Julius Nyerere, Dar es salaam.