@chahrazad.batma: 🎶 «الشرع»… أغنية من الذاكرة، من التراث، ومن القلب ❤️‍🩹 اليوم كنشارك معاكم إعادة أدائي لأغنية «الشرع»، اللي تعرّفات بصوت مجموعة المشاهب، من كلمات وألحان الراحل محمد بطمة، والدي رحمه الله. ❤️ هاد الأغنية ما كانتش سهلة عليا نهائياً، لا نفسياً ولا من ناحية الأداء، لأنها ماشي غير أغنية بالنسبة ليا، بل إرث فني ديال الأب ديالي، وذكرى عزيزة على قلبي. كانت شغلي الشاغل طيلة هاد الفترة، وحرصت من البداية أنني نحافظ عليها كيف ما هي، بلا ما نبدل لا الكلمات لا الألحان، احتراماً للعمل الأصلي وقيمتو الفنية والتاريخية. شكراً من القلب للموزع المبدع سيمو بيساط على خدمتو وإبداعو، وشكراً للفنان يوسف بوروش على وقفتو معايا ودعمو ليا فهاد التجربة. 🙏❤️ وشكر خاص وكبير لجمهور المشاهب عامة، ولجمهور الشمال بشكل خاص، على المحبة والوفاء لهاد المجموعة الكبيرة ولتراثها الفني الأصيل. ❤️ كنتمنا من قلبي أن هاد العمل يوصل ليكم بنفس الحب والاحترام اللي خدمتو بيهم، ويكون فالمستوى اللي يستحقو هاد الإرث اللي خلّاه لينا الوالد ديالي. 🕕 موعدكم مع أغنية «الشرع» اليوم مع 18:15 بتوقيت المغرب، على قناتي الرسمية باليوتيوب. 🎬 استنّاوها، وشاركوني آراءكم، ودعمكم هو أكبر تشجيع ليا. 🔗 رابط القناة: https://www.youtube.com/watch?v=ZyuuqZZM5oI&list=RDZyuuqZZM5oI&start_radio=1 #الشرع #محمد_بطمة #مجموعة_المشاهب #سيمو_بيساط #يوسف_بوروش @Simo Bissat @يوسف القاسمي بوروش

شهرزاد بطمة

Open In TikTok:

Region: MA

Friday 16 October 2026 16:47:02 GMT