@qazaqstan.tv_: Биыл оныншы мәрте ұйымдастырылған Qazaqstan Media Awards аясында «Тұмар» және «Үркер» ұлттық медиа сыйлықтарының марапаттау рәсімі өтті. «Қазақстан» телерадиокорпорациясы екі аталым бойынша жүлде алды. «Qazaqstan» телеарнасының «Қарқынды құрылыс» бағдарламасы «Үздік телевизиялық материал» атанса, Қазақ радиосының «Ойтұма» хабары «Үздік радиобағдарлама» ретінде марпатталды. Елдегі құрылыс қарқынын арттыру және ауқымды инфрақұрылымдық жобаларды жүзеге асыру – Мемлекет басшысы алға қойған маңызды міндеттердің бірі. «Қарқынды құрылыс» осы бағыттағы жұмыстарды кеңінен қамтып, өңірлерде салынып жатқан әлеуметтік нысандарды таныстырады. Бағдарлама тізгіншілері – Нұрбек Бекбау, Карима Сәдуақас, Назерке Өтеген. «Ойтұма» радиобағдарламасы – Абайдың философиясы мен рухани мұрасына сүйене отырып, адам болмысы мен қоғам құндылықтарын зерделейді. Жоба авторы әрі жүргізушісі – Мұхамедәли Болатұлы. «Қазақстан» телерадиокорпорациясы ел үшін маңызды бастамалардың мәнін түсіндіруге, қоғамдық сананы қалыптастыруға бағытталған жобаларды алдағы уақытта да жүйелі түрде жүзеге асыра береді.
