@.rahim.viva: صح درت غلطات بزاف في حياتي، بصح أكبر غلطة درتها هي كي غمّضت عيني على عيوب الناس، ودرت روحي ما شفت والو، وسكتّ على حوايج وجعتني، غير باش ما نخسرهمش. كنت كل مرة نلقالهم الأعذار، ونبرّر تصرفاتهم، ونقول يمكن يتبدلوا، حتى لقيت روحي أنا اللي نتبدل، أنا اللي نتوجع، وأنا اللي نخسر راحتي باش نرضيهم. ومع الوقت فهمت بلي ماشي كل واحد تخاف تخسرو يستاهل تتمسك بيه، وماشي كل علاقة لازم تحافظ عليها على حساب كرامتك وراحة بالك. أصعب درس تعلمتو هو أني كي كنت نحاول ما نخسر حتى واحد، كنت في كل مرة نخسر شوية من روحي. واليوم وليت نؤمن بلي اللي يحبك بصدق، ما يخليكش ديما تتغاضى على أخطائه باش تبقى معاه.

Rahim viva

Open In TikTok:

Region: DZ

Friday 16 October 2026 18:32:46 GMT