@oussaydi3t8: #الوثايقية_العربية السادات قال عنه: "رجولة ووقف معايا لحد ما رجعت الأرض مش زي الأفندية اللي سابوني"، وعمرو موسى كان بيغير منه وقال: "بيلبس أي حاجة تيجي قدامه، وعشان كدا مبقاش وزير خارجية"! 👇 مبارك مكنش بيستغنى عنه وقال: "أسامة عقلي وإيدي ورجلي"، وجمال مشاه من قصر الرئاسة بمعاش 600 جنيه! 👇 كان بيركب المترو وسط الناس، واتجوز 3 مرات، وابنه باسل من أغنى رجال الأعمال. 👇 أسرار لا تعرفها عن الدكتور أسامة الباز 👇 لما بدأت مفاوضات كامب ديفيد، الرئيس السادات اجتمع مع أقرب شخص ليه وقتها وهو الدكتور أسامة الباز وطلب منه يكتب العرض اللي هتقدمه مصر. وحصل فعلًا، وأسامة الباز كتب مسودة خطة السلام المصرية. وفي أمريكا، السادات قدم الورقة لجيمي كارتر. لكن كارتر انزعج وهو بيقرأ. والسر إن الخطة المصرية بتطلب من إسرائيل الانسحاب الكامل من سيناء، وتفكيك كل المستوطنات في الأراضي المحتلة، ودفع تعويضات عن استنزاف بترول مصر، وإعلان دولة فلسطينية خلال 5 سنين. وكمان توقيع إسرائيل على اتفاقية حظر الأسلحة النووية! كارتر قال للرئيس السادات: "أنا مقدرش أعرض الكلام ده على مناحم بيجن.. د مريض بالاكتئاب ولسه جاي من العلاج في سويسرا". السادات رد: "في المقابل، أنا مستعد للاعتراف الكامل بإسرائيل وإقناع الفلسطينيين إنهم يقبلوا بحكم ذاتي لحد إعلان دولتهم". لكي جيمي كارتر اعترض وخصوصًا على مسألة الانسحاب الكامل من سيناء وتفكيك المستوطنات. وهنا الرئيس السادات انفعل وخبط على الترابيزة وقال: "الأرض غير قابلة للتفاوض.. أي ضمانات أمنية تانية لإسرائيل أنا موافق عليها". وانتهت القعدة على كدا. وبالليل كارتر عمل عشاء عشان يهدي الجو شوية وعرض على الرئيس السادات خطة بديلة للسلام. لكن المفاجأة إن السادات معلقش، واللي انفعل جدًا ورفض الخطة كان أسامة الباز. لدرجة إن كارتر قال: "السادات أرحم منه". وفي الوقت ده تقارير المخابرات الأمريكية اللي اتقدمت لكارتر قالت: "أسامة الباز هو عقل الرئيس، ومفتاح الحل معاه"! وعشان كدا قرر يجتمع معاه بشكل منفرد عشان يوصلوا لحلول وسط ترضى الكل. وبعد اجتماعين منفردين حطوا خطوط عريضة لاتفاق السلام. وكان باقي موافقة السادات وبيجن. واتحدد يوم للاجتماع الحاسم بين الاتنين ومعاهم الرئيس الأمريكي. والرئيس السادات صمم إن أسامة الباز يحضر الاجتماع. ولما الأمريكان والإسرائيليين اعترضوا قالهم: "خلاص هيقعد بعيد ويسجل الجلسة من غير تدخل". بس أسامة الباز اتفق معاه على حاجة.. لو مسك القلم وكتب يبقى "الكلام تمام".. ولو مكتبش بس فضل ماسك القلم في إيده يبقى الرئيس السادات يتمهل وميديش موافقة ويطلب مهلة تفكير. ولو ساب القلم من إيده خالص السادات يرفض اللي بيتقال. وده اللي حصل بالفعل، ووصلنا لاتفاق سلام رجع أرضنا. وكلمة السر أسامة الباز.. الشخص الوحيد اللي كمل مع السادات في كامب ديفيد لحد النهاية. وحكى باسل ابن أسامة الباز إن ده كان أصعب يوم في حياة باباه. لإنه لو غلط غلطة واحدة في التعامل مع الورقة والقلم مصر هتتكلف كتير. ومن بعد كامب ديفيد بدأت أسطورة أسامة الباز. وناس كتير استغربت إنه متعينش وزير خارجية. بس عمرو موسى فسر الموضوع في مذكراته وحكى إن واحد من المقربين أوي للرئيس السادات سأله في يوم: "إنت بتحتار ليه في اختيار وزراء الخارجية وعندك أفضل دبلوماسي؟" وكان يقصد أسامة الباز. وفي اللحظة دي "أسامة" دخل عليهم. ولما خرج السادات رد على السؤال وقال لصاحبه: "شايف لابس إزاي؟.. أسامة مينفعش وزير خارجية. إنما ينفع معايا هنا". ومع إن عمرو موسى حكى الموضوع كتريقة على "أسامة الباز" وتقليل منه إلا إن تواضعه وخصوصًا في اللبس كان سمة مميزة في شخصيته. المهم.. بعد كدا الرئيس السادات كلفه بالمهمة التانية وهي تعليم النائب حسني مبارك. وجابه قدامه وقاله: "حسني فلاح زيي. ميفهمش حاجة في السياسة وعاوزك تعلمه"! وابتدى تعليمه كل حاجة.. من اللغة العربية، والنحو، وطريقة إلقاء الخطب، وأسلوب التفاوض.. لحد ما مبارك بقى جاهز للحكم. ولما مسك السلطة، أسامة الباز كان أقرب شخص ليه وعقله اللي بيفكر بيه. وكان معروف إنه بيركب المترو وأتوبيس النقل العام وبيتحرك بدون حراسة، وأحيان كتير بيسوق عربيته بنفسه وينزل يقعد على قهاوي شعبية وياكل في مطاعم الناس العادية. ومن هنا كان حلقة الوصل بين الشعب والرئيس.. د غير علاقته القوية بالمثقفين والفنانين وكل النخبة. بجانب إنه مسئول الملف الفلسطيني والعلاقات مع الإسرائيليين والأمريكان وعلى المستوى الشخصي الباز اتجوز أول مرة من السيدة مها فهمي وخلف منها ابنه باسل. ولما انفصلوا فضل حوالي 20 سنة من غير جواز لحد ما قابل الإعلامية أميمة تمام واتجوزوا عن "قصة حب" رغم فرق السن. والفنانة نبيلة عبيد قالت إنها اتجوزت من الدكتور أسامة 9 سنين في السر واطلقوا لما الحب مبقاش موجود بينهم

الوثائقية العربية 2

Open In TikTok:

Region: TN

Friday 16 October 2026 19:20:52 GMT