@iamabumuslim: #دايت_صحي #تخسيس #جيم #السودان_مشاهير_تيك_توك #الخرطوم_بحري_امدرمان

AbuMuslim :

يا جماعة، بما إنو ناس كتار سألوني عملت شنو عشان أنزل من 117 كيلو لـ71 كيلو، يعني 46 كيلو خلال سنة تقريباً، حأشرح ليكم تجربتي باختصار، وعسى أن تكون فيها فائدة لأي زول عايز يبدأ. أول حاجة: غيرت نظام أكلي تماماً. قطعت السكر الأبيض نهائياً، واستبدلتو بالاستيفيا، وقطعت العيش العادي واستبدلتو بعيش الردة، وقللت الزيوت والدهون والأكل العالي في السعرات. بقيت أوزن أكلي بالجرام وأحسب سعراتو، وأحرص على تناول كمية كافية من البروتين والخضروات والأكل الصحي. وما كنت بحرم نفسي من الأكل، لكن بقيت آكل بوعي وفي حدود احتياجي اليومي من السعرات. تاني حاجة: الحركة والرياضة. التزمت بالمشي بصورة يومية، وغالباً بتجاوز 10 ألف خطوة في اليوم، وأضفت ركوب العجلة، بجانب تمارين الحديد والمقاومة للمحافظة على الكتلة العضلية أثناء نزول الوزن. تالت حاجة: الاستمرارية والصبر. في أول خمسة شهور تقريباً كنت بنزل بمعدل 5 كيلو في الشهر، يعني حوالي 25 كيلو في خمسة شهور، وبعد داك معدل النزول بدأ يقل تدريجياً، وده شيء طبيعي كلما الوزن بنقص. كنت بتابع وزني بصورة منتظمة، وبستخدم التطبيقات والساعة الذكية لمتابعة السعرات والنشاط اليومي. رابع حاجة، ودي الأهم: ما استخدمت أي أدوية أو خلطات للتخسيس، ولا اعتمدت على وصفات سحرية. الموضوع كلو كان قائم على مبدأ بسيط: إنك تستهلك سعرات أقل من البتحرقها، مع التغذية السليمة والنشاط البدني. وبرضو مهم أوضح إنو قطع السكر الأبيض والعيش العادي كان جزء من طريقتي لتنظيم الأكل وتقليل السعرات، ما معناها إنو الحاجات دي براها هي السبب في نزول الوزن. والحقيقة إنو أصعب حاجة ما كانت الجوع ولا الرياضة، أصعب حاجة كانت تغيير العادات القديمة والالتزام بالعادات الجديدة. الحمد لله اليوم وصلت لـ71 كيلو، بعد ما كنت 117 كيلو، والأهم من الرقم إنو صحتي ولياقتي ونمط حياتي اتغيروا بصورة كبيرة. وهدفي حالياً ما بقى مجرد إنقاص الوزن، وإنما المحافظة على النتيجة وتحسين شكل الجسم والكتلة العضلية. نصيحتي لأي زول عايز يخس: ما تفتش عن أسرع رجيم، فتش عن نظام تقدر تستمر عليهو طول حياتك. وما تقارن سرعة نزولك بغيرك، لأنو كل جسم مختلف، ومعدل نزولي في البداية ما بالضرورة يكون مناسب لأي زول تاني. الخلاصة: ما عملت المستحيل، بس غيرت عاداتي والتزمت بيها، والنتيجة جات مع الزمن. والحمد لله أولاً وأخيراً. ❤️💪

عبدالعزيز عبدالباقي🌍 :

well done 👍

Mohammed Sanhory :

ما شاء الله تبارك الله ، انجاز عظيم ، انت دايما بوص في اي مجال تدخله حبيبنا ابومسلم

الريان ❤️ :

بطل والله يا عمو ما شااء الله

أسامه أحمد 515 :

نظام الطيبات فقط داير تنزل داير تزيد داير تتعالج كلو داخل النظام عن تجربة و رب البيت

Saher Abter :

ماشاالله تبارك الله عليك من الصباح بكفت ف روحي وماقادره اقوم اعمل تمارين مقاومة يقوم يظهر لي فيديو زي ده

Nee❁ :

ماشاءالله تبارك الله انت صغرت عديل😂🤍

علوشي 💙💙💚 :

عاش

انين الوجع :

الكرش نزلت كيف

Nigween 🥀 :

للبسالو من الكرش م في كرش بتنزل قبل تنزل وزنك كلو اخر شي هي بتنزل مع المشي

mariam. m. saeed :

طيب كنت بتاكل اية قبل تخس شان عايزة اسمن🙂

🌸Areej❤️ 😍🌸 :

ماشاء الله تبارك الله اللهم بارك

merosalih4 :

ماشاء الله اللهم بارك

فيفي اليُسر 🪽🩷 :

برضو صبغه الشعر ما خليته😂

سما :

ليه المنجارو بكبر الوجه وبنزله بصورة مخيفة

B🅰H🅻🅾L :

ماشاء الله تبارك الله ي ابو مسلم.. تغيير جذري وملحوظ👍👏👏👏

سيما :

حبيت برافو عليك 👏 ماشاء الله

🌸Areej❤️ 😍🌸 :

ماشاء الله تبارك

🖤🖤 بت ابوها 🖤🖤 :

باتمانه 🦇🧚‍♀️🖤 :

ما شاء الله تبارك الرحمن اللهم بارك رهيب رهيب 👏🏼💙

ميمي الريد فلاج🚩 :

بقيت 10 سنة

ayattaha411 :

😅عقبالي انا منتظرة حاجة مسحوها الصباح تلقى نفسك نحيف

A&H :

والله ماشاء الله انجزت ياخ ✅🎯🎯🎯

Naira💫 :

سبحان.الله.ملامحك.اتغيرت

𝕀𝕥’𝕤 𝕋𝕒𝕫𝕫✨🧚🏼 :

ماشاء الله تبارك الله عاش يابطل