@udii_the.snowflake: කාවන්තිස්ස ඇත් රජුනි, ඔබට නිවන් සුව!🤍 ලංකාවේ ලොකුම ඇතා කාවන්තිස්ස මහ ඇත් රජු පාපතරයින්ගේ වෙඩි උන්ඩ මතින් අද අවසන් ගමන් ගියා. සැප්තැම්බර් මාසයේ අග භාගයේ සිට පාදයකට වෙඩි වැදී පශු ප්‍රතිකාර ලබමින් සිටි අපේ මහ ඇත් රජු අද ලංකාවම හඩවමින් අපෙන් සමු ගත්තා. ශ්‍රී ලංකාවේ උසම ඇතා යැයි සැලකෙන ඔහු අවාසනාවන්ත ලෙස මෙලෙස මිය ගියේ හුදෙක් අතපසු වීමකින් නම් නොවේ. වනජීවී බලධාරීන්ගේ හා වනජීවී දෙපාර්තමේන්තුවේ බරපතළ වගකීම් පැහැර හැරීම් සහ අමාත්‍යවරයා ඇතුලු මන්ඩලයට නිසි සැලැස්මක්, දැක්මක් හා ක්‍රියාකාරී නායකත්වයක් නොමැති බව බව නිසා මෙවැනි අමිල ජාතික සම්පත අපෙන් ගිලිහී ගොසින් අවසන්. නමුත් ලංකාවේ අලි මිනිස් ගැටුමට කවදා නිවැරදි ක්‍රියාමාර්ගයක් බලධාරීන් ගනීවිද? භාතිය, කාවන්තිස්ස වැනි ඇතුන් තව කොපමණ මේ රටෙන් තුරන් වෙයිද? පෙරහැර කාලයට පමණක් සත්ව කරුණාව පහල වෙන උදවිය අද සොයා ගැනීමටවත් නොහැකිය. අපේ රටේ අලි සම්පත ගැන තියෙන ප්‍රශ්නය එය නොවෙයි මෙම අලි මිනිස් ගැටුමයි. හීලෑ ඇතුන් 100 කට අඩු සංඛ්‍යාවක් ලංකාවේ ඇති අතර වන අලි සංචිතය 7500ක් පමණය. එයිනුත් දළ ඇති ඇතුන් ඇත්තේ 5%ක් පමණය. වන අලි සම්පත අප රැක ගත යුතුයි. Department of Wildlife Conservation, Sri Lanka අලි මරණවලට වග කිව යුතුයි. දවසකට අලි 4-5 මරණයට පත් වෙද්දිත් ඔවුන් නිහඩ පිළිවෙත් රකිමින් සිටි බව අලි ඇතුන්ට ආදරේ පිරිස දනී. කාවන්තිස්සගේ මරණයට වග කිව යුතු හැම දෙනාටම ශාප වෙන බව නොඅනුමානයි. වෙඩි තබපු තිරිසනුන් පමණක් නොව ඒ අතර නිසි ක්‍රියාමාර්ග නොගෙන රාජකාරිය ඉශ්ට නොකල බලධාරීන්ට ද කවදාහෝ මේ අපරාධයේ පල විපාක විදින්නට සිදු වේ. පහුගිය දිනෙක වැවක් අසළ සක්මන් කරමින් සිටි හක්ක පටස් කා අසාධ්‍ය වී සිටි කුඩා අලි පැටවකු දවස් 15 කට පමණ වැඩි කාලයක් වේදනාවෙන් තැවෙද්දීවත් මොවුන් ප්‍රතිකාර කිර්‍රිමට පැමිණියේ අන්තිම මොහොතේය. එයත් අලි ඇතුන් සම්බන්ධ facebook group හරහා අලි ඇතුන්ට ආදරේ පිරිස කෑ මොර දී දැක් වූ මහා සටනක අවසානයේය. මෙය තවත් එක් උදාහරණයක් පමණි. මහ ඇතාත් අවසන් ගමන් ගියාමවත් අලි ඇතුන් සංරක්ෂණයට මොවුන් පියවර ගනීවිද? අලි ඇතුන්ට වෙඩි තබන පුද්ගලයින්ට තවදුරටත් දඩුවම් පනවන්නෙවත් නැතිද? නීති පනවන්නෙ නැතිද? ලංකාවේ සිටින අන්තිම වන අලියත් වන ඇතාත් මිය යන දවසත් වැඩි ඈතක නොවේවිද!? දවසකට අලි 3-4 මැරෙන්නට දී සහගහන අපරාධ දෙස අපට තව කොපමණ කාලයක් බලාගේන සිටින්නට සිදු වේවිද? පරිසර ඇමති ධම්මික පටඹැදි දූරයෙන් ඉවත් කල යුතුයි. තව නම් අලි මැරෙනවා බලන් ඉන්නට බැරිය. එය සාමාන්‍ය දෙයක් ලෙස තකා බලන් සිටීමට නොහැකියි. තවත් අලි මංකඩවල් හරස් කර වී මෝල් ගැසීමට මේ පාපතරයන්ට ඉඩ දිය යුතුද? පරිසර අමාත්‍යාංශයේ ප්‍රතිපාදන ගැන රටේ නායකයින් සොයා බැලිය යුතුයි ඒවා දියත් කල යුතුයි. අලි සම්පත රැක ගැනීම රටේ ජනතාව ලෙස අපට වගකීමක් ඇත. මෙලෙස සටහනක් තබන්නට තීරණය කලේ කාවන්තිස්ස ඇතා මිය ගියාය යන පණිවිඩය ඇසුණු විට මා හට ඇති වූ මහත් කණගාටුව නිසයි. රටේ ලොකුම ඇතාවවත් ආරක්ශා කර ගැනීමට වග කිව යුත්තන්ට නොහැකි විය. ජනතාව කොතරම් හඩ නැගුවත් ඇතා බේරා ගැනීමට නොහැකි විය. එය අපේත් රටේත් අවාසනාවකි. නමුත් තව දුරටත් මෙවන් අකල් අලි ඇතුන් මරණ දෙස බලා සිටීමට හැකිද? මේවාට නිසි පිළිතුරු දිය යුත්තේ පරිසර අමාත්‍යාංශයේ ඇමති, බලධාරීන් ඇතුලු රටේ නායකත්වයයි. #kawanthissa #tusker #srilanka #srilankafyp

𝐔𝐝𝐢𝐢⁷ | The Snowflake❄

Open In TikTok:

Region: LK

Friday 16 October 2026 20:29:32 GMT