@roh_450: #onthisday لەو سەردەمەی فیرقەتەدا، تۆ کەمێک نزیکتر بێرەوە لام؛ چونکە ترسم لەوە نییە ڕێگاکان درێژ بن، ترسم لەوەیە ڕۆژێک بگات کە ئەوەندە لە یەکتر دوور بکەوینەوە، تەنانەت بیرەوەرییەکانیشمان نەزانن چۆن بگەنەوە یەکتر. تۆ نابینیت؟ دونیا چۆن بە هێواشی مرۆڤەکان لە یەکتر دەدزێتەوە؟ چۆن کەسانێک کە ڕۆژێک بە یەک وشە دڵیان ئارام دەبووەوە، ئێستا بە هەزار وشەش ناتوانن بگەنە یەکتر؟ چۆن مرۆڤ فێر دەبێت بڵێکەنێت، لە کاتێکدا لە ناخیدا شتێک هەیە کە هێشتا چاوەڕێیە کەسێک بیبینێت؟ لەوە دڵتەنگتر چی هەیە، کە مرۆڤ هەموو ڕۆژێک لەگەڵ خەڵکدا بێت، بەڵام کەس نەزانێت لە ناو خۆیدا چەند دوور کەوتووەتەوە؟ هەمووان قسە دەکەن، بەڵام کەم کەس هەیە گوێ بگرێت؛ هەمووان دەڕۆن، بەڵام کەم کەس هەیە بزانێت لە دڵی کەسێکدا شوێنی هەبوونی چییە. من ناتەوێت تۆ هەموو برینەکانم چاک بکەیتەوە، ناتەوێت بەڵێنم بدەیت هیچ شتێک ناگۆڕێت؛ تەنها دەمەوێت لەو کاتانەدا کە ژیان لە ناومدا سارد دەبێتەوە، هەست بکەم هێشتا کەسێک هەیە کە نزیکبوونەوەی بۆ، وەڵامێکە بۆ ئەو هەموو بێدەنگییە. بۆیە، لەو سەردەمەی کە هەمووان بە هۆیەک لە یەکتر دوور دەکەونەوە، تۆ کەمێک نزیکتر بێرەوە لام؛ پێش ئەوەی ڕۆژگار فێرمان بکات چۆن بەبێ یەکتر بژین، پێش ئەوەی بێدەنگی جێگەی هەموو ئەو قسانە بگرێتەوە کە دەبوو ڕۆژێک پێکەوە بیڵێین. چونکە هەندێک کەس، کاتێک لەدەست دەچن، تەنها لە ژیانتدا نامێننەوە؛ بەڵکو لە هەموو ئەو شتانەشدا ون دەبن کە دەتوانیت پاش ئەوانەوە هەستیان پێ بکەیت. تۆ کەمێک نزیکتر بێرەوە لام؛ نەک بۆ ئەوەی دونیا بگۆڕین، بەڵکو بۆ ئەوەی لە ناو ئەم دونیایەی هەمووان تێیدا بە تەنهایی خۆیان دەدۆڕێنن، لانیکەم یەکتر لەدەست نەدەین.

﮼رۆح ✪

Open In TikTok:

Region: IQ

Saturday 17 October 2026 07:01:34 GMT