@sutkent_auyldyq_okrugi: ТӘЖІБАЕВ МЕКТЕБІ ТҮЛЕКТЕРІНІҢ БІЛІМ БИІГІНЕ БАСТАҒАН ҚАДАМЫ Білімнің алғашқы баспалдағынан бастап үлкен өмірге қанат қаққан әрбір түлектің жетістігі – ұстаз еңбегінің жемісі, ата-ана үмітінің ақталғаны. Ал ауыл мектебінен түлеп ұшқан жас өрендердің жоғары оқу орындарына түсіп, мемлекеттік грант иегері атануы – тұтас ауыл үшін зор мақтаныш! Шардара ауданына қарасты Сүткент ауылындағы Т. Тәжібаев атындағы жалпы білім беретін мектептің 2025–2026 оқу жылындағы түлектері де білім додасында өздерінің талап-талпынысы мен табандылығын таныта білді. Былтырғы оқу жылында мектептің 11-сыныбын 52 түлек аяқтады. Олардың жетеуі мектепті үздік аттестатпен тәмамдап, білімге деген құштарлығы мен ізденісінің жоғары үлгісін көрсетті. Олар – Зупар Марал, Қуанышбек Мереке, Мадиханова Зухра, Нұрлыбай Нұрсұлтан, Жорабай Мехрегүл, Тастанбек Айсамал және Зулхарнай Айдина. Бұл – жылдар бойы төгілген тер мен үздіксіз ізденістің, ұстаз бен ата-ананың бірлескен еңбегінің нәтижесі. БІЛІМГЕ ҰМТЫЛЫС – БОЛАШАҚҚА БАСТАР ЖОЛ! Биылғы түлектердің ішінде жоғары оқу орындарына мемлекеттік грантпен түскен жастардың қатары да қуантарлық. Мектептің сегіз түлегі еліміздің бірқатар беделді жоғары оқу орындарына жолдама алды. Абдулла Абзал Алматы қаласындағы ALT университетіне физика-математика және көлік бағыттары бойынша, Мадиханова Фатима Алматы қаласындағы Жемпу университетіне оқуға түсті. Нұрлыбай Нұрсұлтан информатика, математика және IT бағытын таңдаса, Алихан Ұлданай география және биология пәндері бойынша М. Әуезов атындағы университетке қабылданды. Зупар Марал екі шет тілі мамандығы бойынша Тәшенев университетінде білімін жалғастырмақ. Ал Сарыбай Әли ҚазҰУ-ға, Сарыбай Айнәзік Сәтбаев университетіне, Сенбек Дарын Абай атындағы университетке оқуға түсті. Сонымен қатар, колледждерге мемлекеттік грант негізінде түскен жастар да бар. Мұратбек Қасымбек Отырар колледжінің IT және информатика бағытын таңдаса, Ундаған Ақерке дизайнер мамандығына оқуға түсті. Бәкір Мерей фельдшер мамандығын таңдаса, Шәріп Ұлжан Алматы қаласындағы принтмедиа технологиялар колледжінде дизайнер мамандығы бойынша білім алуды жалғастырады. Ал Жаппар Меруерт Астана қаласындағы медициналық колледждің стоматология бағытына қабылданды. ӘР ЖЕТІСТІКТІҢ АРТЫНДА ҰСТАЗ ЕҢБЕГІ ТҰР! Түлектердің білім сынағына тыңғылықты дайындалуына пән мұғалімдері де айрықша үлес қосты. Атап айтқанда, шет тілі пәнінің мұғалімі Меруерт Жүсіпова, алгебра пәнінің мұғалімі Перизат Аберова және тарих пәнінің мұғалімі Гүлнар Мамашева оқушылардың білімін шыңдап, алдағы мақсаттарына нық қадам басуына қолдау көрсетті. Туған ауылдың қарашаңырағынан қанат қаққан барлық түлекке ақ жол тілейміз! Таңдаған мамандықтарыңыздың білікті иесі атанып, ата-аналарыңыздың үмітін ақтап, ұстаздарыңыздың еңбегін жемісті етіңіздер! Қай жерде жүрсеңіздер де, туған ауылдарыңыздың мақтанышына айналыңыздар! #sutkent #shardara🇰🇿 #recommendations

Сүткент ауылдық округі

Open In TikTok:

Region: KZ

Saturday 17 October 2026 07:51:47 GMT