@navat.satra.kh: 💡ពាក្យថា «កាត់ក្បាលតម្រូវមួក» ខ្មែរយើងប្រើយូរហើយ តែមិនដឹងប្រភពដើមមកពីខាងណាទេ។ បើតាមន័យត្រង់ វាសឹងតែមិនអាចទៅរួចទេ ដែលយើងទៅកាត់ ឬជ្រៀកទំហំក្បាលមនុស្សឱ្យត្រូវតាមខ្នាតមួក ព្រោះថាបើកាត់ឬជ្រៀកមុខតែស្លាប់ហើយ វាមានតែកាត់មួកតម្រូវក្បាល ទើបអាចទៅរួច។ ប៉ុន្តែក្នុងន័យធៀបវិញវាអាចទៅរួច ពីព្រោះពាក្យថាក្បាល គេប្រៀបធៀបទៅនឹង «សច្ចភាព ឬការពិត» ចំណែកមួក គេប្រៀបធៀបទៅនឹង «ស្ថានភាព ឬកាល:ទេស:»។ ខ្ញុំឧទាហរណ៍ថា៖ សង្គមមួយសម្បូរទៅដោយក្រុមមនុស្សវង្វេង ហើយមានបណ្ឌិតម្នាក់ក្លាហាន ហ៊ានឡើងនិយាយចង្អុលត្រង់ៗពីកំសច្ចភាពហុសឆ្គងនោះ។ ស្ថានភាពនេះគាត់ដឹងថា ហ៊ានតែនិយាយទាស់ចិត្តគេ មុខតែគេព្រួតគ្នាដៀលប្រមាថគាត់ហើយ។ ប៉ុន្តែដើម្បីប្រយោជន៍រួម និងភាពត្រឹមត្រូវសង្គម គាត់នៅតែប្ដេជ្ញាឡើងនិយាយពីសច្ចភាពកំហុសឆ្គងនោះដដែល។ ត្រង់ហ្នឹងហើយហៅថា «មិនកាត់ក្បាលតម្រូវមួក» ឬមិនបំភ្លៃការពិតដើម្បីតម្រូវចិត្ដអ្នកស្ដាប់ ឬមិនក្បត់ឧត្តមគតិដើម្បីសម្របតាមភាពខុសឆ្គង។ ប៉ុន្តែបើ «កាត់ក្បាលតម្រូវមួក» វិញ គឺស្មើនឹងបង្ខំឱ្យការពិតមួយ ឬទិន្នន័យជាក់ស្តែងមួយ ផ្លាស់ប្តូរទៅតាមភាពអវិជ្ជមាននោះឯង។ ដូច្នេះ ពាក្យថាក្បាល មិនមែននៅខាងបុគ្គលជាបណ្ឌិតទេ តែវានៅខាង «សច្ចភាព ឬការពិត»។ មិនថារវាងថ្នាក់ដឹកនាំ និងប្រជាពលរដ្ឋក៏ដោយ ប្រសិនបើ «ទិន្នន័យជាក់ស្តែង ឬសច្ចភាព» វានៅខាងប្រជាពលរដ្ឋ ហើយអ្នកដឹកនាំព្យាយាមពត់ពែនប្រជាពលរដ្ឋឱ្យកាត់ចោលនូវការពិត ដើម្បីស្របតាមទស្សន:ផ្ទាល់ខ្លួន ឬច្បាប់ទម្លាប់របស់ខ្លួន នោះស្មើនឹងកាត់ជ្រៀកក្បាលបំផ្លាញការពិត មកតម្រូវមួកនៃភាពមាន: ឬភាពអត្តនោម័តដ៏តឹងរ៉ឹងរបស់ខ្លួនហើយ។ នុងហើយដែលគេហៅថា «កាត់ក្បាលតម្រូវមួក»។ . By: ណាវ៉ាត់៚ #ពន្លឺបញ្ញា #fyp #ពុទ្ធសាសនា #ប្រជាជន

ណាវ៉ាត់៚

Open In TikTok:

Region: KH

Saturday 17 October 2026 11:50:44 GMT