@iim.dec9mber: ئەمشەو هەستم کرد هەواش قورس بووە، وەک ئەوەی هەر هەناسەیەک کە دەیکێشم، بیرەوەرییەکی کۆنت لەگەڵ خۆیدا بەرێتە قوڵایی سییەکانم و لەوێدا ببێتە بەرد. ژوورەکەم نقومی بێدەنگییەکی وا بووە کە گوێم لە لێدانی کاتژمێرەکەش نییە، بەڵام دەنگی بیرکردنەوەکانم لە ناو مێشکمدا بە گوڕتر لە بروسکە دەنگ دەدەنەوە. تاریکییەکەی دەوروبەرم چیتر پەناگە نییە بۆ حەوانەوە، بەڵکو بووەتە شانۆیەک و یەکە یەکە ئەو خەونانەم پێ نیشان دەداتەوە کە پێکەوە ڕستمان و بە بێدەنگی لەدەستمان دان. لە هەمووی پڕ ئازارتر، ئەوەیە کە چیتر تووڕە نین، بێزار نین، تەنها ماندووم لە گەڕان بەدوای وەڵامی پرسیارێکدا کە وەک خەنجەرێک لە ناو ڕۆحمدا چەقیوە: **بۆچی لە نێوان ئەم هەموو ئادەمیزادەدا، من تەنها لە تۆدا بەختم نەبوو؟** چاوم داپۆشی و هێدی هێدی چوومەوە ناو وێنە کۆنەکانمان، ڕاستییەکان تاڵتر لە هەموو جارێک خۆیان نیشان ئەدا،، من بڕوام وابوو ڕێگەکەمان یەکە، کەچی نەمبینی من بەرەو تۆ ڕامدەکرد و تۆش بەهێواشی هەنگاوت لە من دوور دەخستەوە. گەورەترین بێبەختی ئەوەبوو من بە تەواوی دڵمەوە لەوێ بووم، بەڵام تۆ تەنها نیوەی بوونت بەخشيبوو. ئێمە وەک دوو هێڵی هاوڕێک بووین؛ ئەوەندە لە یەکترەوە نزیک بووین کە دڵمان بە یەکتر گەرم دەبووەوە، بەڵام بێبەختییەکە لەوەدا بوو کە هیچ کات ڕێگەکانمان بە یەک نەدەگەیشتن. نزیکبوونێک کە دوورییەکەی هەزار فرسەخ بوو. تێگەیشتم هەندێک جار بەختنەبوون بە مانای خراپی تۆ یان بێوەفایی من نییە؛ بەڵکو بە مانای ئەوەیە کە چارەنووس لە هەمان سەرەتای کاتەوە نووسیبووی ئێمە تەنها چیرۆکێکی جوان دەبین بۆ گێڕانەوە، نەک بەشێک لە ژیانی یەکتر. ئەمشەو لە شۆڕشی ئەو بیرکردنەوە قوڵانەدا، چیتر ڕامەکرد. ڕووبەڕووی ئەو ئازارە بوومەوە کە مێژووەکەی دەگەڕێتەوە بۆ یەکەم ڕۆژی بینینت. دەستم لە هەموو وەڵامەکان هەڵگرت، چونکە زانینی هۆکارەکەشی چیتر بەختم پێ نابەخشێتەوە. ئەمشەو تەنها دانم بەو ڕاستییەدا نا کە تۆ جوانترین و بەئازارترین بێبەختیی ژیانم بوویت.#foryou

᷂حسرت🥀،

Open In TikTok:

Region: IQ

Saturday 17 October 2026 17:04:32 GMT