@kholoud.elbadawy35: المشهد ده صعب انها وهي بتراقبه كانها قاعده معاهم سامعه وشايفه ..كانها بتوجع نفسها وبتدوس علي جرحها ب ايديها .. نورا مش زعلانة بس عشان شافته مع واحدة تانية، ولا عشان رجع لحبيبته القديمة واتجوزها.. نورا موجوعة من حاجات أكبر بكتير من كده. موجوعة عشان عاشت سنتين بتصدّق كلامه، وفي الآخر اكتشفت إنه كان بيخدعها طول الوقت. موجوعة عشان سمعت كلامه وصدّقته، وخسرت فرصة إنها تبقى أم اصلا لما طلب منها عدم الخلفه ..، وفي نفس الوقت مراته الجديدة حامل. بس يمكن أكتر حاجة كسرتها، إنها كانت الست اللي وقفت جنبه من البداية، وسندته لحد ما نجح وكبر وبقى له اسم، في وقت ماكانش حد يعرفه فيه، ولا حتى مي، مراته الجديدة. هي اللي شالت معاه، وساندته، وآمنت بيه، وكانت ضهره في كل خطوة. وفي الآخر، بعد كل اللي قدمته، لقت نفسها بتدفع تمن ثقتها فيه، وكأنها هي اللي فيها عيب، وكأن كل اللي عملته عشانه ماكانش ليه أي قيمة، وراح اختار واحدة تانية تشاركه حياته، وهي اللي كانت شريكته في كل حاجة قبل ما يوصل للي هو فيه. أصعب وجع مش إنك تخسر الشخص اللي بتحبه، أصعب وجع إنك تكتشف إنك كنت بتأمّنه على قلبك وعمرك وأحلامك، وهو في الوقت اللي كنت بتبني فيه معاه مستقبل، كان بيهدمها بإيده وبيتم استبدالك فيه ❤️‍🩹 📸طالع نازل#مسلسل_طالع_نازل #دراما #محمد_شاهين #منى_زكي #طالع_نازل

Kholoud Elbadawy

Open In TikTok:

Region: EG

Saturday 17 October 2026 18:35:14 GMT