@k.l.h.1361: ဆုံခဲ့တယ်လို့ ခေါင်းစဉ်တပ်ရမလား ကြုံခဲ့တယ်လို့ ခေါင်းစဉ်တပ်ရမလား ကွဲကွဲပြားပြား မသိခဲ့ပေမယ့် ခင်ဗျားကို ကျွန်တော် အသေအချာချစ်ခဲ့ကြောင်း ခင်ဗျားသိနိုင်ကောင်းပါရဲ့။ တစ်ဖက်ကဆုံမဲ့ လမ်းကိုဖောက် နေပေမယ့် ကျန်တစ်ဖက်က မဆုံချင်လို့ကျောခိုင်းလိုက်တဲ့အခါ ကျွန်တော်ဟာ လမ်းစတွေပိတ်လိုက်ရုံကလွဲပြီး ဘာများတက်နိုင်မလဲလေ။ ဒင်္ဂါးပြားရဲ့ မျက်နှာပြင်နှစ်ဖက်လို အနေနီးပြီး ကျောပေးနေခြင်းရတဲ့အဖြစ်မျိုးပေါ့ ပိုဆိုးတာက နှလုံးသားတွေ ထပ်တူမကျတာပါပဲ။ ဒီလိုနဲ့ မနီးခဲ့ပါပဲ ဝေးသွားခဲ့ရတယ်ပေါ့။ ဘာပဲဖြစ်ဖြစ်ပါလေ ဝေးကွာခြင်းရဲ့ အခြားတစ်ဖက်မှာတော့ ခင်ဗျားကို ပျော်စေချင်ပါတယ်။ ဒါမှ ဝေးကွာခြင်းဟာ ကျွန်တော့်တွက် ဖြေသာမယ်မဟုတ်လား။ ပါးထက်က ကျနေတဲ့မျက်ရည်တွေကို လျစ်လျူရှုရင်း ခင်ဗျား ငိုနေမလားလို့ လှမ်းလှမ်းကြည့်ရတာအမော။ တကယ်တော့ အသည်းနုသူဟာ ကျွန်တော်ပဲဖြစ်နေခဲ့တာကိုး။ အကယ်၍ ပြန်မဆုံဖြစ်ကြတော့ရင်.... အကယ်၍ ဒီအတိုင်းအတာထက် ပိုဝေးသွားခဲ့ရင်.... အကယ်၍ ဒီဘဝတွက် ရေစက်တွေကုန်သွားခဲ့ရင်.... -လက်ကျန်ဘဝမှာ ခင်ဗျားပျော်ပါစေ။ (ကျွန်တော်ကတော့ ငိုရင်ငိုနေမှာပေါ့လေ။) -ကျွန် တော်တွက် မဟုတ်သော ခင်ဗျားရဲ့လက်လေးတစ်စုံ တယုတယ ထွေးပွေ့ပေးမဲ့သူဆီသာ ရောက်ပါစေ။ (ကျွန်တော်ကတော့ အဲ့ဒီလက်လေးအား လိုက်ရှာချင် ရှာနေမှာပေါ့လေ။)သာယာပျော်ရွှင်တဲ့ မိသားစုဘဝလေး အနာဂါတ်မှာပိုင်ဆိုင်နိုင်ပါစေ။(ကျွန်တော်ကတော့ အနာဂါတ်တွေ ပျောက်ရင်ပျောက်နေမှာပေါ့လေ။)အကယ်၍များ ကျွန်တော်ဒီကမ္ဘာမှာ မရှိတော့ရင်တော့... နောင်ဘဝမှာပြန်ဆုံဖို့ ခင်ဗျားကို ကြိုစောင့်နေပါကြောင်း ခင်ဗျားသိပါစေလေ။ (ရင်နှင့် ရင်း၍) kyaw...@