@83aaq: آني مو بس أحبك، آني مسودن بيك لدرجة ما أعرف شلون أوصفلك شعوري، صرت أشوفك بكلشي، بالأغاني وبالحروف وبكل مكان أروحه، حتى من أريد أنساك ألكه كلشي يذكّرني بيك. تدري شنو أصعب شي؟ من يكون يومي كله عادي، بس مجرد ما يجي اسمك يتغيّر كلشي بداخلي. أحبك بطريقة حتى آني مرات ما أفهمها، وأشتاقلك وإنت ببالي، وأحچي وياك بخيالي من أشتاق لصوتك. إنت مو شخص عابر بحياتي، إنت الحرف اللي أكتبه بكل مكان، والاسم اللي ما أملّ من تكراره، والشخص اللي لو يسألوني عنه ألف مرة، بكل مرة راح أختارك إنت. والله لو يخلّوني أكتب عنك عمر كامل، ما أوفيك حقك، لأن كل الحچي قليل عليك، وكل الحروف ما تكفي توصف شكد آني مسودن بيك. أحبك مو لأنك أحلى شخص بالدنيا، أحبك لأنك بعيني غير عن كل الناس، ولأن كلبي من اختارك ما عاد شاف غيرك، وحتى لو يمر ألف شخص بحياتي، يبقى مكانك إلك وحدك، لأن بعض الناس نحبهم، وبعض الناس نصير بيهم مجانين من كثر ما نحبهم، وإنت بالنسبة إلي مو بس حب، إنت كل الحكاية. 🫀❤️‍🩹#شعب_الصيني_ماله_حل😂😂 #تصاميم_فيديوهات🎵🎤🎬 #حب #حب_بلا_حدود #fyp أصعب شعور من تحب شخص من كل گلبك، وتعتبره دنيتك كلها، وبالنهاية يصير هو نفسه سبب وجعك… 💔 تعوف كل الناس علموده، وتختاره ألف مرة حتى لو عندك ألف خيار غيره، بس من يجي الوكت اللي تحتاجه بيه، تلگاه مو إلك، وكأنك غريب بحياته. شلون تگدر تنسى شخص كل تفاصيلك مرتبطة بيه؟ شلون تقنع گلبك إنسان چان يعني إلك كلشي، صار مجرد شخص ما تگدر حتى تحچي وياه؟ أصعب شي مو إنك تحب شخص وما يكون إلك، الأصعب إنك تبقى تحبه رغم كلشي، وتشتاقله حتى وأنت تعرف إن وجوده بحياتك صار مستحيل… 🥀💔

•مجهـول•

Open In TikTok:

Region: IQ

Saturday 17 October 2026 21:58:24 GMT