@_ayeshasiddiqui: Sahih al-Bukhari (Hadith 4072) mein poori tafseel se marwi hai. Yeh waqya dushmani se dore-hidayat, aur phir insani jazbaat ke sath rahm-o-karam ki ek la-misaal dastaan hai.Yeh waqya dushmani se dore-hidayat, aur phir insani jazbaat ke sath rahm-o-karam ki ek la-misaal dastaan hai. Islam qabool karne se pehle, Hazrat Wahshi (R.A.) ek Habshi gulam the jo nishana bazi (barcha chalane) mein behad mahir the. Ghazwa-e-Uhud ke mauqe par, unke maalik Jubair bin Mut'im aur Abu Sufyan ki biwi Hinda ne unhe yeh lalach di ki agar wo Huzoor ﷺ ke pyare chacha Sayyidush Shuhada Hazrat Hamza (R.A.) ko shaheed kar denge, toh unhe gulam-e-ibn-gulam se azaad kar diya jayega. Wahshi ne maidan-e-jang mein ghaat lagakar Hazrat Hamza (R.A.) par barcha chalaya aur unhe shaheed kar diya, jisse unhe azaadi toh mil gayi magar wo Huzoor ﷺ ke dil ke sab se bade gham ka baais ban gay. Jab 8 Hijri mein Fath-e-Makkah (Conquest of Makkah) hua, toh Wahshi apni jaan bachakar Taif bhaag gaye. Kuch hi arse baad jab Taif ka wafd bhi Islam qabool karne ke liye taiyar hua, toh Wahshi behad pareshan ho gaye. Unhe lagta tha ki unka gunah itna bada hai ki unhe kabhi maafi nahi milegi. Magar logon ne unhe bataya ki Islam apne se pehle ke tamam gunahon ko mita deta hai aur Allah ke Rasool ﷺ kisi bhi tauba karne wale se badla nahi lete. Chunanche, wo chhupte-chhupate Madinah Munawwarah pahunche, sidha Masjid-e-Nabwi mein Huzoor ﷺ ki bargha mein pesh hue aur Kalimah-e-Shahadat padhkar Islam qabool kar liya. Huzoor ﷺ ne unka kalimah suna toh pucha: "Kya tum Wahshi ho?" Unhone arz kiya: "Ji haan, ya Rasool Allah." Huzoor ﷺ ne farmaya: "Baitho aur mujhe btao ki tumne mere chacha Hamza ko kaise qatal kiya tha?" Hazrat Wahshi (R.A.) ne poora waqya bayaan kiya. Jab unka bayaan khatam hua, toh Huzoor ﷺ ki ankhon mein ansoo the aur chacha ki shahadat ka gham taza ho gaya. Aap ﷺ ne Wahshi ko mukammal tor par maaf farma diya aur unhe ba-haisiyat Sahabi qubool kiya. Lekin ek insani takaza aur chacha se be-panah mohabbat ki wajah se Aap ﷺ ne farmaya: "Kya tum aisa kar sakte ho k apna chehra mujhe na dikhao (yani mere samne na aaya karo)?"🥺💔 Is Hukum ki Asal Haqeeqat aur Hikmat ye hai k Ulama aur Muhaddiseen farmaate hain k is baat mein Hazrat Wahshi (R.A.) ke liye koi narazgi ya saza nahi thi, balki ismen do badi hikmaten thi: • Insani Jazbaat: Rasoolullah ﷺ ek insan bhi the. Wahshi ko dekh kar unhe Hazrat Hamza (R.A.) ki shaheed laash aur unke kate hue kaan-naak ka dardnak manzar yaad aa jata tha, jisse unke dil ko sakht takleef pahunchti thi. • Wahshi ki Hifzazat: Agar Huzoor ﷺ unhe dekh kar bar-bar ghamgeen hote, toh dar tha ki kahin Wahshi ke liye koi bad-dua ya unki aakhirat ki pakad na ho jaye. Isliye Aap ﷺ ne unhe hifz-o-amaan mein rakhne ke liye samne na baithne ka mashwara dia. Hazrat Wahshi (R.A.) ne is hukum ka is qadar adab kiya ki wo jab bhi majlis mein aate, toh aisi jagah baithte jahan se Huzoor ﷺ ki seedhi nazar un par na pade. Huzoor ﷺ ke parda farmane ke baad, unke dil mein hamesha yeh kasak rahi k wo is gunah ka kaffarah kaise ada karein. Chunanche, jab Hazrat Abu Bakr Siddique (R.A.) ke daur mein Musailma Kazzab (jhuthe nabi) ne fitna khada kiya, toh Hazrat Wahshi (R.A.) ne usi barche (spear) se Musailma Kazzab ko qatal kiya jisse unhone Hazrat Hamza (R.A.) ko shaheed kiya tha. Hazrat Wahshi (R.A.) khud farmaya karte the: "Maine apni us barchi se zamane-e-kufr mein behtareen insan (Hazrat Hamza) ko shaheed kiya, aur zamane-e-Islam mein sab se badtareen insan (Musailma Kazzab) ko qatal kiya." . . . #fryyyyyyyyyyy #follow #repost

انا عائش•

Open In TikTok:

Region: PK

Saturday 17 October 2026 22:13:46 GMT