@zayartbz7news: ငြိမ်းချမ်းရေး ရရှိရန် စစ်တပ်က ဗုံးကျဲနေခြင်းဖြစ်ပြီး ရပ်တန့်ခိုင်း၍ မရနိုင်ဟု မင်းအောင်လှိုင်၏ ငြိမ်းချမ်းရေးအဖွဲ့ ဥက္ကဋ္ဌ အကြမ်းဖက် ရာပြည့်ပြော (ရုပ်/သံ) ရန်ကုန်၊ အောက်တိုဘာ ၁၇ တိုင်းရင်းသားဒေသများတွင် ငြိမ်းချမ်းရေး ရရှိရန် စစ်တပ်က ဗုံးကျဲနေခြင်းဖြစ်ပြီး ရပ်ခိုင်း၍ မရနိုင်ကြောင်း မင်းအောင်လှိုင်၏ ငြိမ်းချမ်းရေးအဖွဲ့ ဥက္ကဋ္ဌ အကြမ်းဖက် ဒုတိယဗိုလ်ချုပ်ကြီး ရာပြည့်က ပြောဆိုလိုက်သည်။ ယနေ့ နေပြည်တော်တွင် ပြုလုပ်နေသော NCA တစ်နိုင်ငံလုံးအပစ်အခတ်ရပ်စဲရေးစာချုပ် ၁၁ နှစ်ပြည့်အခမ်း အနား နှင့်ပတ်သက်သော အလုပ်ရုံဆွေးနွေးပွဲ၏ နောက်ဆုံး ပိတ်ပွဲတွင် အကြမ်းဖက် ရာပြည့်က ထိုသို့ ပြောဆိုခြင်းဖြစ်သည်။ လက်ရှိတွင် လူသားချင်းစာနာထောက်ထားမှုဆိုင်ရာ အကူအညီပေးရေးနှင့် လူ့အခွင့်အရေးကိစ္စများကို အခြေခံ ၍ စစ်တပ်၏ ဗုံးကျဲတိုက်ခိုက်မှုများ ရပ်ဆိုင်းပေးရန် ဝေဖန်တောင်းဆိုမှုများ ရှိနေကြောင်း၊ လက်ရှိ အခြေအနေတွင် စစ်တပ်၏ တချို့သော ဆောင်ရွက်မှုများမှာ စစ်ရေးအရ ဆောင်ရွက်ခြင်းဖြစ်သကဲ့သို့ ငြိမ်းချမ်းရေးရရှိရန် ဆောင်ရွက်နေသည့် အပိုင်းလည်း ဖြစ်ကြောင်း ၎င်းက ပြောသည်။ “အဓိကအားဖြင့်တော့ သူတို့က လူသားချင်းစာနာထောက်ထားမှုဆိုင်ရာ အကူအညီပေးရေးနဲ့ ပတ်သက်လို့၊ Human Rights ပေါ့။ ဒီအပေါ်မှာ မူတည်ပြီးတော့မှ ဗုံးကျဲတဲ့ကိစ္စတွေ၊ ဗုံးကျဲတဲ့ကိစ္စတွေ။ အဲ့တော့ ကျွန်တော်တို့ကတော့ လက်ရှိအနေအထားမှာ ကျွန်တော်တို့ ဒီ စစ်ရေးအရ အချို့အပိုင်းတွေက စစ်ရေးအရ ဆောင်ရွက်ခြင်းဖြစ်တယ်၊ ငြိမ်းချမ်းရေးရရှိဖို့ ဆောင်ရွက်တဲ့အပိုင်းလည်း ဖြစ်ပါတယ်။ အချို့အပိုင်းတွေက တပ်မတော်က ဆောင်ရွက်တဲ့ လုပ်ငန်းစဉ်ဖြစ်တယ်” ဟု ၎င်းက ဆိုသည်။ စစ်တပ်က ဆောင်ရွက်နေသည့် စစ်ရေးလုပ်ငန်းစဉ်များနှင့် ငြိမ်းချမ်းရေးလုပ်ငန်းစဉ်များကို တပြိုင်နက်တည်း ဆောင် ရွက်နေကြောင်း၊ စစ်တပ်၏ ဆောင်ရွက်နေသော စစ်ရေးလုပ်ငန်းစဉ် ရပ်ဆိုင်းခိုင်း၍ မရနိုင်ကြောင်း ဒုတိယဗိုလ်ချုပ်ကြီး ရာပြည့်က ပြောသည်။ “ဆိုတော့ ဒီအပေါ်မှာ ကျွန်တော်တို့ သူ့ရဲ့ Process တွေပြီးမှလည်း လုပ်တာရှိသလို၊ ဒီ Process ခုနက တပ်မတော်ကလည်း လုပ်နေတဲ့ Process တွေနဲ့ အပြိုင် ဆောင်ရွက်တာလည်း ရှိပါလိမ့်မယ်။ သို့သော်လည်း သူက အဲ့ဒီမှာ သူက တောင်းဆိုချက်ရှိတယ်၊ ချက်ချင်းကြီး ရပ်ဆိုင်းပေးဖို့ပေါ့လေ။ အဲ့တော့ ဒီမှာ တပ်မတော်က ဆောင်ရွက်တဲ့ Process ကို ကျွန်တော်တို့က သွားရပ်လို့မရဘူး” ဟု ဒုတိယဗိုလ်ချုပ်ကြီး ရာပြည့်က ပြောသည်။ စစ်တပ်က ဆောင်ရွက်နေသော ဗုံးကျဲမှုများအပါအဝင် စစ်ရေးလုပ်ငန်းစဉ်များကြောင့် AA နှင့် KIA တို့အပါ အဝင် လက်နက်ကိုင်များနှင့် တွေ့ဆုံရန် အခွင့်အရေး ရှိလာနိုင်ကြောင်း သူက ဆက်လက်ပြောဆိုသည်။ “ဒီအပိုင်းမှာ အချို့အပိုင်းတွေ၊ အချို့အပိုင်းတွေ ခုနက AA အပိုင်း၊ KIA အပိုင်း၊ ဒီမှာလည်း အချို့အပိုင်းတွေမှာ ကျွန်တော်တို့နဲ့ တွေ့ဆုံဖို့ အခက်အခဲရှိတာလေးတွေ ရှိပါတယ်။ ခုနက ပြောတဲ့ ပဋိပက္ခကို လျှော့ချဖို့ De-escalation ပေါ့လေ၊ ဒီဟာကို လျှော့ချဖို့ ဒါတွေ ဆောင်ရွက်နေတာရှိတယ်” ဟု ဒုတိယဗိုလ်ချုပ်ကြီး ရာပြည့်က ပြောသည်။ လက်ရှိတွင် စစ်တပ်က ရခိုင်ဒေသ၊ ကချင်ပြည်နယ် အပါအဝင် နိုင်ငံတစ်ဝန်းလုံးတွင် လေယာဉ်ဖြင့် ဗုံးကျဲမှုများ ဆက်တိုက်ပြုလုပ်နေပြီး စစ်တပ်၏ ရက်စက်သော လေကြောင်းတိုက်ခိုက်မှုများကြောင့် ပြည်သူများ အစုလိုက် အပြုံလိုက် သေဆုံးမှုများဖြစ်ပေါ်လျက်ရှိသည်။@ZayarTBZ 7.1News🍉 @Zayar TBZ 5 #ဒေသသတင်းရင်းမြစ် #ပြည်တွင်းသတင်း #မြန်မာသတင်း #zayartbz #စစ်တပ်ယုတ်မာမှုပေါင်းစုံငါတို့အသိဆုံး
ZayarTBZ 7 News
Region: TH
Sunday 18 October 2026 00:13:09 GMT
Music
Download
Comments
Aung Da Ma :
😳
2026-10-18 01:17:32
0
Tamalar⚓🇳🇱 :
2026-10-18 00:33:37
0
Tamalar⚓🇳🇱 :
2026-10-18 00:33:26
0
Lu Chit Khin :
[ဖဲကြိုး အသည်းနှလုံး][ဖဲကြိုး အသည်းနှလုံး][ဖဲကြိုး အသည်းနှလုံး]
2026-10-18 00:55:24
0
ukyik :
😂😂😂
2026-10-18 00:25:53
0
U Thant1/{MaKaTa}😎😎😎😎😎 :
🥰🥰🥰
2026-10-18 00:19:34
0
ဝက္ကမူသားလေး🇯🇵🇰🇷🎌 :
🥰🥰🥰
2026-10-18 01:42:55
0
To see more videos from user @zayartbz7news, please go to the Tikwm
homepage.
