@namgdidi1682022gm: နှစ်ပေါင်း ၉၀၀ ကျော် သက်တမ်းရှိတဲ့ သစ်ပင်ကြီးတစ်ပင်အောက်မှာ ဒီနေ့အချိန်ထိ လူတွေ အနားယူနေကြတယ်၊ ကလေးတွေ ဆော့ကစားနေကြတယ်ဆဲပါပဲ။ ဒီလို ထူးခြားတဲ့ မန်ကျည်းပင်ကြီးတစ်ပင်ကတော့ မန္တလေးတိုင်းဒေသကြီး၊ ညောင်ဦးခရိုင်၊ မြေတွင်းသွင်းကျေးရွာအုပ်စု၊ ဇီးအိုကျေးရွာ ဘုန်းတော်ကြီးကျောင်းဝင်းထဲမှာ ရှိနေပါတယ်။ ဒေသခံတွေကတော့ ဒီအပင်ကြီးကို **“မန်ကျည်းကိုးခွ”** လို့ ခေါ်ကြပါတယ်။ အကြောင်းကတော့ ပင်စည်ကြီးကနေ ကိုင်းကြီး ၉ ကိုင်းအထိ ဖြာထွက်နေလို့ပါပဲ။ ဒီမန်ကျည်းပင်ကြီးဟာ ပင်စည်လုံးပတ် ပတ်လည် ၄၀ ပေရှိပြီး အမြင့်ကလည်း ၁၀၃ ပေအထိ ရှိပါတယ်။ သစ်ပင်တစ်ပင်တည်းကနေ ဒီလောက်ကြီးမားတဲ့ ကိုင်းကြီးတွေ ဖြာထွက်နေတာက တကယ်ကို အံ့ဩစရာပါ။ နှစ်ပေါင်းများစွာ ရပ်တည်လာခဲ့တဲ့ ဒီအပင်ကြီးရဲ့ ကိုင်းတွေ မိုးဒဏ်လေဒဏ်ကြောင့် ကျိုးကျမသွားစေဖို့ ကွန်ကရစ်တိုင် ၉ တိုင်နဲ့ ကိုင်းတစ်ကိုင်းချင်းစီကို ထောက်ပံ့ပေးထားရပါတယ်။ အခုဆိုရင် ဒီမန်ကျည်းကိုးခွပင်ကြီးဟာ ဒေသခံတွေအတွက် အရိပ်အာဝါသပေးတဲ့ နေရာတစ်ခုဖြစ်သလို ပြည်တွင်းပြည်ပ ခရီးသွားတွေလည်း လာရောက်လေ့လာပြီး ဓာတ်ပုံရိုက်ကူးကြတဲ့ နေရာတစ်ခု ဖြစ်နေပါတယ်။ ပင်ခြေကနေ တက်ရတာလည်း လွယ်ကူတဲ့အတွက် အပင်ကြီးပေါ်တက်ပြီး ဓာတ်ပုံရိုက်ကြသူတွေလည်း ရှိပါတယ်။ ပိုပြီး စိတ်ဝင်စားစရာကောင်းတာက ဒီအပင်ကြီးရဲ့ မန်ကျည်းရွက်နုနဲ့ မန်ကျည်းသီးမှည့်ကို စားသုံးရင် အပင်ကြီးလို အသက်ရှည်ပြီး အနာရောဂါကင်းမယ်လို့ ယုံကြည်ကြသူတွေလည်း ရှိနေတာပါပဲ။ လက်ရှိအချိန်မှာတော့ ဒီမန်ကျည်းကိုးခွပင်ကြီးဟာ သက်တမ်းရှည်သစ်ပင်တစ်ပင်အဖြစ်သာမက ဒေသရဲ့ ထူးခြားတဲ့ သဘာဝအမွေအနှစ်တစ်ခုအဖြစ်ပါ စိတ်ဝင်စားစရာကောင်းနေပါတယ်။ **ဒီလို နှစ်ပေါင်း ၉၀၀ ကျော် သက်တမ်းရှိတဲ့ မန်ကျည်းပင်ကြီးကို ကိုယ်တိုင်သွားရောက်ကြည့်ရှုချင်တယ်ဆိုရင်** ညောင်ဦး-ကျောက်ပန်းတောင်းလမ်းပေါ်က တုရင်တောင် စွယ်တော်မြတ်စေတီ မုခ်ဦးနဲ့ မျက်နှာချင်းဆိုင်နေရာကနေ ၆ မိုင်ခန့် သွားရောက်ရင် ဇီးအိုကျေးရွာ မန်ကျည်းကိုးခွပင်ကြီးဆီ ရောက်ရှိနိုင်ပါတယ်။ ပုဂံခေတ် အလောင်းစည်သူမင်းကြီး လက်ထက်ကတည်းက ရှိခဲ့တယ်လို့ ယူဆရတဲ့ ဒီမန်ကျည်းပင်ကြီးဟာ တကယ်ပဲ နှစ်ပေါင်းများစွာ သမိုင်းကို သက်သေခံနေတဲ့ သစ်ပင်ကြီးတစ်ပင်ပါပဲ။ Today News MM #မန်းကျည်းကိုခွပင် #အလောင်းစည်သူမင်းကြီး #ဇီးအို

Di Di🦅

Open In TikTok:

Region: US

Sunday 18 October 2026 05:59:34 GMT