@jambotv_: VIDEO: Mbunge wa Viti Maalumu Mkoa wa Njombe kupitia CHAUMMA, Sigrada Mligo, amesema wananchi wa mkoa huo wamekuwa wakilalamikia hali ya barabara kwa zaidi ya miaka 25, huku ahadi za kuziboresha zikiendelea kutolewa katika Ilani ya CCM kila mwaka bila kutekelezwa. Malalamiko hayo yamekuja wakati Makamu wa Rais wa Jamhuri ya Muungano wa Tanzania, Deogratius Ndejembi, akimtaka Waziri wa Ujenzi, Mhandisi Masanja Kadogosa, kuchukua hatua za haraka dhidi ya mkandarasi anayejenga barabara ya Itoni–Lusitu yenye urefu wa kilomita 50 kwa kiwango cha zege, inayogharimu zaidi ya Sh bilioni 120. Akizungumza na wananchi wa Halmashauri ya Mji wa Makambako, mkoani Njombe, Oktoba 17, 2026, Ndejembi amesisitiza kuwa watendaji wa Serikali wanapaswa kuwasimamia kwa karibu wakandarasi wanaotekeleza miradi ya maendeleo badala ya kusubiri viongozi wa juu kuingilia kati. “Fedha za Watanzania zipo, zimeshakuja. Mnatakiwa kuwasimamia wakandarasi, tusisubiri kumbembeleza mkandarasi. Yeye ni muajiriwa, ameajiriwa na TANROADS kwa niaba ya Serikali. Tunapaswa kumsimamia; haikupaswa waziri amuite Dodoma wakati fedha ameshalipwa,” amesema Ndejembi. Kwa upande wake, Waziri wa Ujenzi, Mhandisi Masanja Kadogosa, amesema mkandarasi huyo tayari amelipwa Sh bilioni 14 kama fedha za awali, hivyo anapaswa kutekeleza mradi huo kwa kuzingatia masharti ya mkataba.

Jambo TV

Open In TikTok:

Region: TZ

Sunday 18 October 2026 07:41:17 GMT