ဖြဝ်ꩻခမ်း တွမ်ႏ ပအိုဝ်ႏခြာ _________ 🔹 ဖြဝ်ꩻခမ်းကအီႏတယ်ႏဆို့ꩻချာနွောင်ꩻအီအတာႏ အထွာနွောင်ꩻသွတ်(ဖြစ်နိုင်ခြေအရှိဆုံး) နဝ်ꩻ ထန်ႏပေါက်ꩻ (ထွက်ပေါက်) အဝ်ႏကုဲင် တရေ့ꩻ လင်ꩻ နွို့ꩻသဲင်ꩻချာ ပအိုဝ်ႏခြာလွုမ်ꩻ။ ကွပ်ပွိုးတမုဲင်ꩻ? 🔹 ပအိုဝ်ႏလိုꩻမျိုꩻနဝ်ꩻ ခမ်းထီရေꩻ အတွေးအခေါ်တဲ့ ခွေါင်ခမ်ႏမုအဲဉ်ထဝ်း၊ စဲ့ꩻရေꩻတဲ့ ပနဲဉ်ႏ၊ လိုႏမျိုꩻရေꩻသဓါတ်တဲ့ꩻ အီႏဆွော့ꩻငါႏ နဲင်းလိုꩻမျိုꩻလင်နဝ်ꩻဆွော့ꩻတဝ်း၊ သွီႏပအိုဝ်ႏဖုံႏ အဝ်ႏရောင်ဒျာႏရိုꩻကီလဲꩻ သꩻပအိုဝ်ႏဖုံႏ ပျောက်ထိုꩻလို့ꩻလဲဉ်း၊ တာꩻဝွန်ႏအဝ်ႏပုဂ္ဂိုလ်ႏဖုံႏသားတဲ့ ဦးစားဖေႏတဝ်း စွိုးခွိုꩻပလန်၊ ဦးစားဖေႏဒျာႏ နမ်းစီꩻပွါႏတွမ်ႏ အာႏဏာႏတေဉ်ႏခွေါင်ရေꩻ။ 🔹 ဟံႏနယ်ႏအလ့ꩻ ဖြဝ်ꩻခမ်း ကရိုꩻယိုခါ အခါဝ်ထင်ꩻ ပလောင်းဖျိုး၊ ကိုးကန့်ဖျိုး၊ ဝဖျိုး၊ အခါဝ်ကွဉ်ႏ ဝ တွမ်ႏ မန်းဖျိုး ၊ ဝ တွမ်ႏမန်းထုမ်း လ့ꩻလို့ꩻလဲဉ်း။ အခါဝ်တွို့ꩻ မန်းခြဲ့ꩻသဲင်ꩻကွဉ်ႏ လဲင်ႏအီႏဖျော်သွူကလောꩻ၊ ကွပ်နဝ်ꩻမꩻ ကအီႏတယ်ႏသော့ꩻခွိုန်ꩻချာဗာႏယင်း ဖြဝ်ꩻလိုꩻမျိုꩻအတာႏ ဖြဝ်ꩻခမ်းနဝ်ꩻ အခဝ်သူꩻနဝ်ꩻ ယိုꩻတဝ်းဒွိုမ်။ အီႏသဲင်ꩻတနဲဉ်အုံဗာႏဖြဝ်ꩻခမ်းအခါဝ်နဝ်ꩻယိုလွုမ်ꩻသနယ်ꩻ...။ 🔹 ကွပ်နဝ်ꩻမ့ꩻ တောင်ꩻကီꩻ ဖဲ့ꩻထင်ꩻ တရပ်တစပ်၊ တောင်းကီꩻဖဲ့ꩻနဝ်ꩻ ဖဲ့ꩻကွဉ်ႏ တရပ်တစပ် ဖြဝ်ꩻလင်ꩻဖြေꩻဖျိုးချာလို့ꩻလဲဉ်း။ ပုံးအင်းခြောင်ႏဖြဝ်ꩻ၊ နောင်ခြောင်ႏဖြဝ်ꩻ ပါင်လောင်ꩻခြောင်ႏဖြဝ်ꩻ လိုꩻမျိုꩻဖုံႏ နဝ်ꩻ ဆွဉ်ꩻဝါင်ꩻစူတဲင် တွမ်ႏဘာႏသာႏရေꩻဒျာႏတနယ်ꩻ တွမ်ႏစီꩻပွါꩻရေꩻနယ်ꩻဒျာႏတစား ချအစီႏအစဲဉ်ႏယံယံထွူတဲင် ဝွေꩻသီး အီႏတယ်ႏဆို့ꩻချာဖြဝ်ꩻခမ်းကရိုꩻနဝ်ꩻ အဖွာနွောင်ꩻသွတ်အဝ်ႏကုဲင်ပအိုဝ်ႏခြာတထွောင်းလွုမ်ꩻသနယ်။ 🔹 နဝ်ꩻမꩻ အနာꩻဂါတ်ထာꩻဆ့ꩻငါသူꩻ ပအိုဝ်ႏလိုꩻမျိုꩻတွမ်ႏ ဖြဝ်ꩻလိုꩻမျိုꩻ အုံအဝ်ႏညီꩻဝါင်ꩻ သဟဇတ ဖေႏကထွာနဝ်ꩻ ကထွာပအိုဝ်ႏလိုꩻတန်ဖုံႏ လိုႏစိင်ꩻစာꩻခါꩻခန်း Plan ယံနေနေမ့ꩻ ထဲ့ꩻမဲဉ်ႏကွေး။ မဲ့ꩻချꩻခါꩻတေ့ꩻ ပလန် (Plan) ဖုံႏအဝ်ꩻဒျာႏ ပငါပရာꩻ စွုမ်ႏဖြာꩻဖြာꩻ စွုမ်ႏစွိုꩻစွိုꩻ မမꩻကောင်ꩻတဲ့ꩻ နီသွဥ်းသီးသေထွတဝ်းသြ။ ဝွေꩻသီးအဝ်ႏဒေါ့ꩻတယွိုꩻပါကꩻထာꩻ ပအိုဝ်ႏလိုꩻတန်နဝ်ꩻ ပလန် (Plan) အဲဉ်ထဝ်း၊ အဝ်ႏ ပါးလဲင်ꩻ (ပုလင်း)လွုမ်ꩻတဲ့ꩻ၊ အမိဥ်ႏမွေးငါဝ်းပဆိုႏယိုတဲ့ꩻ နီပအိုဝ်ႏပို သဖျ့ꩻ။ ပအိုဝ်ႏပေႏတဖြာꩻတဲမ်း - @khun.lay.pay80