@outvannak169: ការទទួលខុសត្រូវរបស់អ្នកកាន់កាប់សត្វ 🐎🐂 យោងមាត្រា​ ៣៣.នៃ​ច្បាប់​ស្តីពី​ចរាចរណ៍​ផ្លូវគោក​ អ្នកជិះ អ្នក​ដឹក​ ឬ​អ្នក​បរ​សត្វ​មិនត្រូវ​លែង​សត្វ​ឱ្យ​ដើរ​រហេតរហូត​លើផ្លូវ​ឡើយ យោងតាមមាត្រា​ ៧៥០.នៃក្រមរដ្ឋប្បវេណី មិនបានបង្ហាញពីកំហុស (ចេតនា ឬអចេតនា) ​របស់​​​អ្នកកាន់កាប់សត្វនោះទេ ដូចនេះអ្នកកាន់កាប់សត្វត្រូវទទួលខុសត្រូវ​ក្នុង​ការសង​ការខូតខាត ​​​ប្រសិន​បើមាន​ទោះជានៅពេលដែលអ្នកកាន់កាប់​នោះបា​​ន​បង្ហាញថាខ្លួន​បានគ្រប់​​គ្រង​ដោយ​​​​​ត្រឹម​ត្រូវនិងគ្មាន​កំហុសក៏ដោយ ។ ចំ​ពោះលក្ខខណ្ឌនៃការទទួល​​​​ខុស​ត្រូវ របស់​អ្នក​កាន់​កាប់​នេះ​​​ទៀត​​សោត គឺត្រូវតែជាអ្នកកាន់កាប់​សត្វដែលបាន​បណ្តាលឱ្យមានការ​ខូចខាតដល់អ្នកដទៃ ព្រម​​ទាំង​​ទំនាក់ទំនងរវាងហេតុ ​និងផល​ជាចាំបាច់ ទើប​អាច​នាំ​ឱ្យមានការទទួលខុសត្រូវ ។ ការពិចារណាលើលក្ខខណ្ឌចំពោះអ្នកកាន់កាប់សត្វ គឺមិនចាំបាច់ថាអ្នកកាន់កាប់សត្វនោះ​មាន​កំហុស ឬគ្មានកំហុសនោះទេមានន័យថា អ្នកកាន់កាប់ត្រូវតែទទួលខុសត្រូវ​ដោយគ្មាន​កំហុស ដែលមិនអាចមានការអនុគ្រោះឱ្យរួចផុតពីកាទទួលខុសត្រូវទេ ។ ឧទាហរណ៍ ការបណ្តែតបណ្តោយឱ្យសត្វគោរបស់ខ្លួនដើរពាលវាលលើថ្នល់ ហើយសត្វបង្កឱ្យអ្នកដទៃមាន​គ្រោះថ្នាក់ចរាចរណ៍រងរបួសជាដើម ។ #ច្បាប់ #ចែករំលែកចំណេះដឹង

out vannak ⚖️ 🌱

Open In TikTok:

Region: KH

Sunday 18 October 2026 10:06:01 GMT