@kamrandahriwafa: انساني حقن ضلعو مٽياري - هنگامي نوٽيس بروهي هوٽل، اڏيرولال وِليج، ضلعو مٽياري اڏيرولال وِليج ۾ افسوسناڪ واقعو پيش آيو. هوٽل عملي موجب اڏيرولال وِليج پوليس جا اهلڪار جن ۾ اي ايس آءِ صفدر لاکو، هڪ ڪانسٽيبل ذات پنهور ۽ هڪ پوليس ڊرائيور شامل هئا، هوٽل تي آيا. هوٽل عملي جو چوڻ آهي ته سندن ڪل بل 450 رپيا ٿيو، پوليس اهلڪارن پهرين 200 رپيا ڏنا، جڏهن هوٽل عملي پورو بل گهريو ته پورو بل ته ڏئي ڇڏيو پر ان کان پوءِ بدتميزي شروع ڪري ڏني. پوليس موبائل هوٽل جي سامهون بيهاري ايندڙ گراهڪن کي ڀڄايو ويو ۽ هوٽل عملي کي ڌمڪيون ڏنيون ويون ته هاڻي هوٽل ڪيئن هلائيندين اسان ڏسنداسين ۽ چيو ويو ته سڀاڻي شام 6 بجي اچي هوٽل بند ڪرائي ڇڏينداسين. هوٽل مالڪن جو چوڻ آهي ته اسان فوڊ ڊپارٽمينٽ جا ٽيڪس پيئر آهيون، اسان وٽ ڪا به غلط شيءِ نٿي هلي. هوٽل مالڪن جو وڌيڪ چوڻ آهي ته هن واقعي سبب اسان جو هزارين روپين جو نقصان ٿيو آهي. هڪ ٽيڪس ڏيندڙ غريب هوٽل واري سان اهڙي ڀتا خوري ۽ اختيارن جو ناجائز استعمال انساني حقن جي کلي خلاف ورزي آهي. انساني حقن ضلعو مٽياري هن واقعي جي سخت لفظن ۾ مذمت ڪري ٿي ۽: آءِ جي سنڌ پوليس ۽ ايس ايس پي مٽياري کان پرزور مطالبو ڪري ٿي ته هن واقعي جو فوري نوٽيس وٺي ملوث اهلڪارن خلاف ڪارروائي ڪئي وڃي ۽ بروهي هوٽل، اڏيرولال وِليج کي مڪمل تحفظ فراهم ڪيو وڃي. انصاف جي فراهمي تائين انساني حقن متاثر هوٽل سان گڏ بيٺل آهي. نصير احمد شا ڊسٽرڪٽ پريزيڊنٽ، هيومن رائيٽس نيو اسڪل ڊولپمينٽ آرگنائيزيشن ضلعو مٽياري