@wendefm: Waziri wa Mambo ya Ndani ya Nchi, Patrobas Katambi, amewataka wanaume kujiepusha na vitendo vya ukatili vinavyotokana na migogoro ya kimapenzi, akisisitiza kuwa wanaojihusisha na mauaji watachukuliwa hatua kali za kisheria. Akizungumza na wananchi wa Mkoa Njombe Oktoba 10, 2026 katika viwanja vya stendi ya zamani ya Makambako wakati wa mkutano wa Makamu wa Rais wa Jamhuri ya Muungano wa Tanzania, Mh, Deogratius Ndejembi, Katambi amesema changamoto za kimapenzi hazipaswi kuwa chanzo cha kupoteza maisha ya watu. Amesisitiza kuwa wanaume wanapaswa kudhibiti hisia zao na kutafuta njia za amani za kutatua tofauti katika mahusiano badala ya kutumia vitisho, vurugu au nguvu. Katambi ametoa wito kwa jamii kuzingatia umuhimu wa kuheshimiana katika mahusiano, akionya kuwa wivu na migogoro ya kimapenzi havipaswi kuhalalisha vitendo vya uhalifu. #nguvuyaupendo❤️🤍 #wendefm