#လူငယ်တစ်ယောက် ပျက်စီးတယ်ဆိုတာ အမြဲတမ်း ဆူညံနေဖို့ မလိုဘူး… တစ်ခါတလေ တိတ်တိတ်လေးနဲ့ပဲ ပျက်စီးသွားတတ်တယ်။ မနက်ဖြန်လုပ်မယ်ဆိုပြီး ဒီနေ့ကို အမြဲရွှေ့နေတဲ့အချိန်မှာ… “နောက်မှလုပ်မယ်” ဆိုတဲ့စကားကို နေ့တိုင်းပြောနေတဲ့အချိန်မှာ… ဖုန်းကို ၅ မိနစ်လောက်ပဲ ကြည့်မယ်ဆိုပြီး နာရီပေါင်းများစွာ အချိန်ကုန်သွားတဲ့အချိန်မှာ… သူများဘဝကို ကြည့်ပြီး ကိုယ့်ဘဝကို မေ့နေတဲ့အချိန်မှာ… စာသင်ဖို့၊ အလုပ်သင်ဖို့၊ ကိုယ့်အရည်အချင်းတိုးဖို့ထက် အချိန်ဖြုန်းဖို့ပဲ စိတ်ဝင်စားလာတဲ့အချိန်မှာ… အဲဒါတွေက တိတ်တိတ်လေး ပျက်စီးနေတဲ့ လက္ခဏာတွေပါ။ ဥပမာတစ်ခု ပြောမယ်။ ဖုန်း Battery 100% ရှိတဲ့အချိန်မှာ နည်းနည်းစီ အသုံးပြုရင်း 90%… 80%… 70%… Battery က တစ်ခါတည်း မကုန်သွားဘူး။ ဒါပေမယ့် မသိမသာနဲ့ အချိန်ကြာလာတော့ 1% ပဲကျန်တော့တယ်။ လူငယ်ဘဝလည်း အဲဒီလိုပဲ။ တစ်ရက်ပျင်းတာနဲ့ ဘဝမပျက်ဘူး။ တစ်ရက်အချိန်ဖြုန်းတာနဲ့လည်း ဘဝမပျက်ဘူး။ ဒါပေမယ့်— ဒီနေ့လည်း မလုပ်ဘူး မနက်ဖြန်လည်း မလုပ်ဘူး နောက်တစ်ပတ်လည်း မလုပ်ဘူး နောက်တစ်လလည်း မလုပ်ဘူး ဆိုပြီး နှစ်တွေကြာသွားတဲ့အခါ… မင်းရဲ့အချိန်တွေက မင်းမသိလိုက်ခင်မှာပဲ ကုန်သွားလိမ့်မယ်။ တစ်ချို့လူငယ်တွေက “ငါ့ဘဝ မကောင်းသေးဘူး” လို့ ပြောကြတယ်။ ဒါပေမယ့် ကိုယ့်ကိုယ်ကို မေးကြည့်ရမယ်— “ငါ့ဘဝက မကောင်းတာလား၊ ငါ့အချိန်တွေကို ငါကိုယ်တိုင် ဖြုန်းနေတာလား?” အဖြေက တစ်ခါတလေ နာကျင်စရာကောင်းတယ်။ မင်းအသက်ငယ်သေးလို့ အချိန်အများကြီးရှိတယ်လို့ မထင်နဲ့။ အသက် ၁၈၊ ၁၉၊ ၂၀ ဆိုတာ ငယ်သေးတယ်ဆိုပေမယ့် ဘဝတစ်ခုတည်ဆောက်ဖို့ အရေးကြီးတဲ့နှစ်တွေ ဖြစ်တယ်။ ဒီအချိန်မှာ အရည်အချင်းမတိုးဘူး၊ ဘာမှမလေ့လာဘူး၊ ကိုယ့်အနာဂတ်အတွက် ဘာမှမပြင်ဆင်ဘူးဆိုရင်— အသက်ကြီးလာတဲ့အခါ နောင်တက မင်းအစား ပြန်မလုပ်ပေးနိုင်ဘူး။ တစ်ချို့လူငယ်တွေက သူများအောင်မြင်တာကိုပဲ ကြည့်တယ်။ သူများဖုန်းကောင်းတာမြင်ရင် ကိုယ့်ဖုန်းကို မကျေနပ်ဘူး။ သူများငွေရှိတာမြင်ရင် ကိုယ့်ဘဝကို မကျေနပ်ဘူး။ သူများအောင်မြင်တာမြင်ရင် မနာလိုဖြစ်တယ်။ ဒါပေမယ့်— သူတို့ရလာတဲ့အရာတွေကို ရဖို့ သူတို့ဘယ်လောက်အချိန်ပေးခဲ့လဲဆိုတာတော့ မကြည့်ဘူး။ သူများရဲ့ Result ကိုပဲ ကြည့်ပြီး ကိုယ့်ရဲ့အစကို မုန်းနေကြတယ်။ ပြီးတော့ အဆိုးဆုံးက— ကိုယ့်ဘဝပျက်စီးနေတာကို ကိုယ်တိုင်တောင် ပုံမှန်လို့ ထင်လာတာ။ နေ့တိုင်းဖုန်းကြည့်တာ ပုံမှန်ဖြစ်လာတယ်။ နေ့တိုင်းအိပ်နောက်ကျတာ ပုံမှန်ဖြစ်လာတယ်။ အလုပ်မလုပ်တာ ပုံမှန်ဖြစ်လာတယ်။ စာမဖတ်တာ ပုံမှန်ဖြစ်လာတယ်။ ဘာမှမလေ့လာတာ ပုံမှန်ဖြစ်လာတယ်။ “အားလုံးလည်း ဒီလိုပဲ” လို့ ကိုယ့်ကိုယ်ကို နှစ်သိမ့်လာတယ်။ အဲဒီအချိန်မှာ သတိထားပါ။ မင်းပျက်စီးနေတာ မဟုတ်ဘူးလို့ မင်းကိုယ်မင်း ယုံကြည်အောင် လုပ်နေပြီ။ ဘဝဆိုတာ တစ်ညတည်းနဲ့ ပျက်စီးသွားတာမဟုတ်ဘူး။ နေ့တိုင်း နည်းနည်းစီ လျစ်လျူရှုခဲ့တဲ့ ကိုယ့်ဘဝရဲ့အရာတွေ စုပေါင်းပြီးမှ ပျက်စီးလာတာ။ ဒါကြောင့် လူငယ်ဘဝမှာ အကြီးကြီးပြောင်းလဲဖို့ မလိုဘူး။ ဒီနေ့ ၁ နာရီလောက် စာလေ့လာ။ မနေ့ကထက် နည်းနည်းပိုကောင်းအောင် လုပ်။ ဖုန်းကြည့်ချိန် နည်းနည်းလျှော့။ ကိုယ့်အရည်အချင်းတစ်ခု တိုးအောင်လုပ်။ ကိုယ့်မိသားစုအတွက် တစ်ခုခုလုပ်။ ကိုယ့်အနာဂတ်အတွက် တစ်လှမ်းရွှေ့။ သေးသေးလေးဆိုပေမယ့် နေ့တိုင်းလုပ်နိုင်ရင် နှစ်တွေကြာလာတဲ့အခါ အဲဒီသေးသေးလေးတွေက မင်းဘဝတစ်ခုလုံးကို ပြောင်းပေးနိုင်တယ်။ မင်းဘဝကို ဘယ်သူမှ လာဖျက်ဆီးနေတာ မဟုတ်ဘူး။ တစ်ခါတလေ… မင်းရဲ့အချိန်တွေကို မင်းကိုယ်တိုင် တိတ်တိတ်လေး ဖြုန်းနေမိတာပဲ။ အဲဒါကို ဒီနေ့ကစပြီး သတိထားပါ။ ဘာလို့လဲဆိုတော့— လူငယ်ဘဝက ပြန်ဝယ်လို့ရတဲ့အရာ မဟုတ်ဘူ . . #လူငယ်များဆီသို့ #motivation #fypdongggggggg - @soe20000a