@ncciaofficial: ڈی جی این سی سی آئی اے سید علی ناصر رضوی کی ہدایات پر کراچی زون میں غیر قانونی کال سینٹر کے خلاف کارروائی، 11 ملزمان گرفتار۔ این سی سی آئی اے کراچی نے غیر ملکی شہریوں کو نشانہ بنانے والے مبینہ سائبر فراڈ نیٹ ورک کے خلاف انٹیلی جنس معلومات کی بنیاد پر چھاپہ مار کر کال سینٹر کے مالک سمیت 11 ملزمان کو گرفتار کر لیا۔ ملزمان خود کو غیر ملکی بینکوں اور مالیاتی اداروں کے نمائندے ظاہر کرکے شہریوں کی حساس ذاتی اور بینکنگ معلومات حاصل کرتے اور انہیں مبینہ طور پر مالی فراڈ کے لیے استعمال کرتے تھے۔ کارروائی کے دوران مبینہ طور پر وارداتوں میں استعمال ہونے والے 36 لیپ ٹاپ، 8 موبائل فونز، 1 ڈی وی آر اور دیگر سائبر فراڈ میں استعمال ہونے والے ڈیجیٹل آلات قبضے میں لے لیے گئے۔ واقع کا مقدمہ یوینشن آف الیکٹرانک کرائمز ایکٹ (PECA) 2016، ترمیم شدہ 2025، کی متعلقہ دفعات اور پاکستان پینل کوڈ کے تحت درج کر لیا گیا ہے۔ مالیاتی لین دین کا سراغ لگانے اور نیٹ ورک میں ملوث دیگر افراد کی نشاندہی کے لیے مزید تفتیش جاری ہے۔ غیر قانونی کال سینٹرز، مالیاتی فراڈ اور دیگر سائبر جرائم میں ملوث عناصر کے خلاف این سی سی آئی اے کا کریک ڈاؤن جاری ہے۔ قانون شکن عناصر کے خلاف بلا امتیاز سخت قانونی کارروائیاں عمل میں لائی جا رہی ہیں۔ #NCCIA #Karachi #CallCenter #Raid

NCCIA Official

Open In TikTok:

Region: PK

Sunday 18 October 2026 14:48:35 GMT