@servindigo: Münasibətin əvvəlində səni özünə çəkən fərqliliklər zamanla niyə səni narahat etməyə başlayır? Çünki bəzən biz insanın özünü deyil, onun bizə yaşatdığı hissləri sevirik. O, bizim gözümüzdə yaratdığımız obraza uyğun gəlmədikdə isə onu olduğu kimi qəbul etmək əvəzinə dəyişdirməyə çalışırıq. Onun danışığını, davranışlarını, düşüncələrini dəyişmək istəyirik. Fərqinə varmadan ona belə bir mesaj veririk: “Səni olduğun kimi qəbul etmək üçün əvvəlcə dəyişməlisən.” Ən ağrılısı da budur: İnsan bir müddət sonra sevilmək üçün özündən güzəştə getməyə, hisslərini gizlətməyə, öz kimliyini unutmağa başlayır. Sən isə onun sənə uyğunlaşdığını düşünürsən. Amma unutma, bir insanı özünə uyğunlaşdırdıqca, bir gün onun əvvəl sevdiyin tərəflərini də itirə bilərsən. Sevgi kimisə öz qəlibinə salmaq deyil. İki fərqli insanın bir-birini yox etmədən, öz mənliyini itirmədən birlikdə böyüməsidir. Özünə bu sualı ver: “Mən onu həqiqətən sevirəm, yoxsa yalnız mənim istədiyim insana çevrildikdə sevə bilirəm?” Çünki insan sevdiyi münasibətdə dəyişə bilər, inkişaf edə bilər. Amma sevilmək üçün özündən imtina etməli olmamalıdır. Sevgi bir insanı özünə bənzətmək deyil, onun səndən fərqli olduğu halda da yanında qala bilməkdir. #şüuraltı #sevgi #terapiya #enerjiçalışması

Servindigo

Open In TikTok:

Region: AZ

Sunday 18 October 2026 14:58:30 GMT