စူပါတိုင်ဖွန်း CHAMPI နှင့် ဘင်္ဂလားပင်လယ်အော် လေထုမတည်ငြိမ်မှုကြောင့် အောက်တိုဘာ ၂၂ ရက်နောက်ပိုင်း မြန်မာနိုင်ငံ တောင်ပိုင်းနှင့် အလယ်ပိုင်းဒေသများတွင် မိုးပြန်လည်အားကောင်းလာနိုင် MyDay ၁၈ အောက်တိုဘာ ၂၀၂၆ ဂူအမ်ကျွန်းအနီးတွင် ဗဟိုပြုနေသည့် တိုင်ဖွန်းမုန်တိုင်း CHAMPI သည် အောက်တိုဘာ (၂၀) ရက်နေ့တွင် လေတိုက်နှုန်း တစ်နာရီလျှင် (၁၆၀) မိုင်အထိ မြင့်တက်လာကာ Category 5 စူပါတိုင်ဖွန်း (Super Typhoon) အဆင့်အထိ ပိုမိုအားကောင်းလာမည်ဟု မိုးလေဝသ ခန့်မှန်းချက် မော်ဒယ်များအရ သိရသည်။ အဆိုပါ စူပါတိုင်ဖွန်း CHAMPI သည် မြန်မာနိုင်ငံမှ မိုင် ၃၀၀၀ ကျော် ကွာဝေးသော အရှေ့ပစိဖိတ် ပင်လယ်ပြင်၌ တည်ရှိနေပြီး တိုင်ဝမ်ကျွန်း သို့မဟုတ် တရုတ်နိုင်ငံ ကမ်းလွန်ပင်လယ်ပြင်ဆီသို့ ဦးတည်ရွေ့လျားမည် ဖြစ်သဖြင့် မြန်မာနိုင်ငံသို့ တိုက်ရိုက်ဝင်ရောက်မည့် အန္တရာယ် မရှိပါ။ သို့သော် မုန်တိုင်း၏ ကြီးမားသော လေဝဲစနစ်နှင့် ဘင်္ဂလားပင်လယ်အော်အတွင်း ဖြစ်ပေါ်လာမည့် လေထုမတည်ငြိမ်မှုများကြောင့် မြန်မာနိုင်ငံ၏ ရာသီဥတုအပေါ် သွယ်ဝိုက်သော သက်ရောက်မှုများ ရှိလာနိုင်ပါသည်။ မြန်မာနိုင်ငံပေါ် သက်ရောက်နိုင်သည့် မိုးလေဝသ ခန့်မှန်းချက် (အောက်တိုဘာ ၂၂ မှ ၂၅ ရက်) ဘင်္ဂလားပင်လယ်အော် တောင်ပိုင်းနှင့် အန်ဒမန်ပင်လယ် (ကပ္ပလီပင်လယ်) အတွင်း အောက်တိုဘာ (၂၄) ရက်နေ့ဝန်းကျင်တွင် သီးခြား လေဖိအားနည်းရပ်ဝန်း/မုန်တိုင်းငယ်စနစ် ဖြစ်ထွန်းလာနိုင်ခြေ ရှိနေသည်။ ထို့ကြောင့် အောက်တိုဘာ (၂၂) ရက်မှ (၂၅) ရက်နေ့များအတွင်း အောက်ပါအတိုင်း မိုးရွာသွန်းမှု အားကောင်းလာနိုင်ပါသည် မိုးသည်းထန်စွာ ရွာသွန်းနိုင်သည့် ဒေသများ: တနင်္သာရီတိုင်းဒေသကြီး၊ မွန်ပြည်နယ်၊ ကရင်ပြည်နယ်နှင့် ဧရာဝတီတိုင်းဒေသကြီးတို့တွင် မိုးတိမ်တိုက်များ အားကောင်းစွာ ဖြစ်ထွန်းပြီး မိုးသည်းထန်စွာ ရွာသွန်းနိုင်ခြေ မြင့်မားပါသည်။ မိုးထစ်ချုန်းရွာနိုင်သည့် ဒေသများ: ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ နေပြည်တော်၊ မကွေးတိုင်းဒေသကြီး တောင်ပိုင်းနှင့် ရှမ်းပြည်နယ် (တောင်ပိုင်း/အရှေ့ပိုင်း) တို့တွင် မိုးတိမ်တိုက်များ ပျံ့နှံ့ဝင်ရောက်ကာ နေရာကွက်ကျားမှ နေရာကျဲကျဲ မိုးရွာသွန်းခြင်း၊ မိုးကြိုးပစ်ခြင်းနှင့် လေပြင်းတိုက်ခတ်ခြင်းများ ဖြစ်ပေါ်နိုင်ပါသည်။ နေရာကွက် မိုးရွာနိုင်သည့် ဒေသများ: စစ်ကိုင်းတိုင်းဒေသကြီးနှင့် ကချင်ပြည်နယ်တို့တွင် လေထုမတည်ငြိမ်မှုကြောင့် ခဏတာ မိုးပိုလာနိုင်ပါသည်။ ပင်လယ်ပြင်နှင့် သတိပေးချက်များ မြန်မာ့ကမ်းရိုးတန်းတစ်လျှောက်နှင့် မြိတ်ကျွန်းစုတန်းများအပါအဝင် မြန်မာ့ပင်လယ်ပြင် တောင်ပိုင်းတို့တွင် အောက်တိုဘာ (၂၃) ရက်နောက်ပိုင်းမှစ၍ လှိုင်းအသင့်အတင့်မှ လှိုင်းကြီးနိုင်ပြီး ရုတ်တရက် လေပြင်းတိုက်ခတ်မှုများ ယှဉ်တွဲဖြစ်ပေါ်နိုင်ပါသည်။ ထို့ကြောင့် တောင်သူဦးကြီးများအနေဖြင့် စိုက်ပျိုးရေးလုပ်ငန်းများ လုပ်ဆောင်ရာတွင်လည်းကောင်း၊ ပင်လယ်ငါးဖမ်းရေလုပ်သားများနှင့် ရေကြောင်းသွားလာရေး လုပ်ငန်းရှင်များအနေဖြင့်လည်းကောင်း မိုးလေဝသ အခြေအနေများကို အထူးသတိပြု စောင့်ကြည့်ကြပါရန် နှိုးဆော်အပ်ပါသည်။ #MyanmarWeather #WeatherUpdate #TyphoonChampi #MyDay - @ko.zin.gyi993