@1xeber.media: 1xeber.media xəbər verir ki, Azərbaycan müəssisələrinin Avropa İttifaqı bazarına çıxışı son illərdə genişlənib. Aİ-yə məhsul ixracına icazə verilən müəssisələrin sayı 2018-ci ildə 2 olduğu halda, 2025-ci ildə 12-yə çatıb. İqtisadçı Eyyub Kərimli bildirib ki, bu artım qeyri-neft ixracının genişlənməsi baxımından müsbət göstəricidir. Onun sözlərinə görə, Azərbaycan kənd təsərrüfatı məhsullarının Avropa bazarına çıxarılmasında müəyyən çətinliklər qalır. Əsas problemlərdən biri məhsulların Avropa standartlarına uyğunlaşdırılmasıdır. Fermer təsərrüfatlarının beynəlxalq, o cümlədən ISO standartlarına uyğun fəaliyyət göstərməsi, məhsulların keyfiyyət və təhlükəsizlik tələblərinə cavab verməsi tələb olunur. İqtisadçı Vüqar Oruc qeyd edib ki, Avropa bazarında məhsulların sertifikatlaşdırılması, qida təhlükəsizliyi, laboratoriya nəzarəti və istehsal proseslərinin standartlara uyğunluğu əsas şərtlərdəndir. Məhsulun xammaldan hazır məhsula qədər izlənə bilməsi də tələb olunur. Ekspertlərin fikrincə, fermerlərin kooperasiyalarda birləşməsi, istehsalçıların maarifləndirilməsi, onlayn ticarət imkanlarının genişləndirilməsi və beynəlxalq standartların tətbiqi Azərbaycan şirkətlərinin Avropa bazarında mövqeyini gücləndirə bilər. Avropa İttifaqı Azərbaycanın əsas ticarət tərəfdaşı və ən böyük ixrac bazarıdır.

1xeber

Open In TikTok:

Region: AZ

Sunday 18 October 2026 16:37:29 GMT