@dlzar999: أَلَا لِلَّهِ ٱلدِّينُ ٱلۡخَالِصُۚ وَٱلَّذِينَ ٱتَّخَذُواْ مِن دُونِهِۦٓ أَوۡلِيَآءَ مَا نَعۡبُدُهُمۡ إِلَّا لِيُقَرِّبُونَآ إِلَى ٱللَّهِ زُلۡفَىٰٓ إِنَّ ٱللَّهَ يَحۡكُمُ بَيۡنَهُمۡ فِي مَا هُمۡ فِيهِ يَخۡتَلِفُونَۗ إِنَّ ٱللَّهَ لَا يَهۡدِي مَنۡ هُوَ كَٰذِبٞ كَفَّارٞ ‎ ئاگاداربە ئایین و بەندایەتی پاك هەر شیاوی (الله)یە و بەندایەتی ئەو زاتە نابێ تێكەڵ بە ڕوپامایی و شیرك بكرێت، خۆ ئەو كەسانەش كە جگە لەو زاتە دەكەن بە دۆست و سەرپەرشتی خۆیان و دەڵێن: ئێمە بەندایەتى ئەمانە ناكەین مەگەر بۆ ئەوەى كە لە خواوە نزیكمان بكەنەوە، دەی خۆ (الله) لەنێوانیاندا بڕیار دەدات لەبارەى ئەو هەموو پەرستراوەی كە تێیدا ناكۆكن و هەركامیان پەرستراوێكی پێ باشترە، بێگومان ئەو كەسەیش كە زۆر درۆزن و سپڵە و بێباوەڕە، (الله) نایخاتە سەر ڕێگای ڕاست. ئەم ئایەتە ئاماژە بە چەند خاڵێكی گرنگ دەدات: یەكەم: پەروەردگار تەنها ئەو كردارە چاكانە وەردەگرێت كە بە نیاز پاكی ئەنجام درابێت و دووربێ لە شیرك و ڕیا؛ دووەم: موشریكەكان پێیان وابووە كە بەندایەتی كردن و سوجدە بردن و قوربانی كردن و تەوافكردنی ئەوان بۆ بتەكانیان لەڕاستیدا بۆ ئەوەیە كە زۆرتر لە خوداوە نزیك ببنەوە و مەبەستیان دژایەتیكردن و بێباوەڕ بوون نەبووە بە پەروەردگار، بەڵكو پێیان وابوو كە هاواركردن لەو بتانە لەڕاستیدا هاواركردن لە خودایە و پەروەردگاریش بەمە ڕازیە و جابۆیە پەروەردگار هەم بە كافر و وە هەم بە درۆزن ناویان دەبات چونكە هەم تووشی شیرك بوونە و هەم ئەوەی كە دەڵێن ئەم بتانە دەبنە هۆی نزیكبوونەوەمان لە خواوە درۆیە و خودا بڕیاری وای نەداوە، كەواتە گرنگە بزانرێت كە عیبادەت بە دوو جۆر ئەنجام دەدرێت: یەكەم: ئەو عیبادەتانەی كە ڕاستەوخۆ بۆ پەروەردگار ئەنجام دەدرێن وەك نوێژ و ڕۆژوو؛ دووەم: ئەو عیبادەتانەی كە ناڕاستەوخۆ بۆ پەروەردگار ئەنجام دەدرێن وەك تەوافی كەعبە یان ماچ كردنی بەردە ڕەش، ڕاستە سوڕانەوەكە و ماچ كردنەكە كە ڕێزگرتنێكی تایبەتە، بۆ مەخلوقێك ئەنجام دەدرێت بەڵام چونكە لەبەر ئەوە ئەنجام دەدرێت كە خودا خۆی فەرمانی كردوە ئەوا نابێتە شیرك، بەڵام ئەگەر هاتوو بۆ نمونە تەوافی شتێك كرا كە فەرمانی خودای لەسەر نەبوو ئەوا دەچێتە بازنەی شیركەوە، هەربۆیە قورئان دەفەرموێ: ( أَنْزَلَ اللَّهُ بِهَا مِنْ سُلْطَانٍ) واتە لەسەر ئەو ڕێزگرتن و بەندایەتیەتان بۆ ئەو بتانە هیچ بەڵگەیەكتان بە دەستەوە نییە كە خودا داوای لێكردبن ئەو شتانە بكەن، بەڵام چونكە ئێمە بەڵگەمان بەدەستەوەیە كە تەوافی كەعبە فەرمانی خوایە هەربۆیە ناچێتە بازنەی شیركەوە بەڵام ئەوەی كە تەوافی قەبرێك دەكات ئەوا تووشی شیرك بووە وە ئەگەریش بڵێ‌ خودا بەمە ڕازیە و پێیخۆشە ئەوا درۆی بۆ خودا هەڵبەستوە كە هەركامیان بۆخۆی كوفرە و دەبێ ڕاستیەكەی بۆ ڕوون بكرێتەوە، جا هەربۆیە لەم ئایەتەش پەروەردگار موشریكەكان بە درۆزن و كافر ناودەبات.#الشيخ_ابوبكر_الشاطري #سورة_الزمر

🖤

Open In TikTok:

Region: IQ

Sunday 18 October 2026 17:15:40 GMT